Ŋiyataŋak 27:20 - Uwumbɔr aagbaŋ

²⁰ Unibɔn aageehn naahn kitekpiitiŋ ni la, mpaan bi n‑yoonn mɔmɔk le ki ban bitekpiib biken.

Ŋiyataŋak 27:20 ပူးပေါင်းရင်းမြစ်များ

Job Aagbaŋ 26:6

Kitekpiitiŋ dɔ waa chain Uwumbɔr chee la; libiil libaa aa duŋ ki u chee.

Ŋiyataŋak 15:11

Hali kitekpiitiŋ aan ŋmaa di tiwan ni bi ki ponn ni na bɔr Uwumbɔr; kina pu na, unibɔn ga ŋa kinye aan ki di waalandak bɔr Uwumbɔr?

Ŋiyataŋak 23:5

Saamombil ga ŋmaa fii ke ŋaah kpa ifeen ke likaagiil na la, ki cha si.

Ŋiyataŋak 27:19

Saah waa aabaa nnyun ni pu na, kina le aa waa saabimbin mu aapobil ni.

Ulandaan 1:8

Tiwan mɔmɔk joo cha tibakr ti unii aan ŋmaa len na ni la. Tinimbil aan ŋmaa kan ki ti bab; le titafal mu aan ŋun tiwan pu ki ti bab.

Ulandaan 4:8

Uja ubaa le bi ki koo ubaa. Waa kpa bo, kaa kpa naal, bee kpel mu, le ki mu tee tun lituln n‑yoonn mɔmɔk. Unimbil aa nan gbiin liwangol li u kpa na. U bi tun tii ŋma, kaa tii ubaa mpopiin? Nimina mu ye fam la, kina aabimbin ye falaa la.

Ulandaan 6:7

Unii tun waatuln mɔk ke u kan nibaa ki ji la, le ki mu aan ŋmaa kan bab.

Aisaya 5:14

Kitekpiitiŋ ka waa bumɔb kii bi la, ki ga nab Jerusalem aaninyuum na, ni baanib, ni binib bi nyu ndaan ki kpa kifuuk na mɔmɔk.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Habakuk 2:5

Mbamɔn, liwangol ŋmanni unii la, u kpa kigaak le kaa tee kpa lifuur ma. Waah kpa kikumɔŋ ke likaakul ki bi ke nkun na, waa babr tiwan nibaa, le ki nyaŋni ŋitimbol ki chur binib mɔmɔk tinaagbiir.

Hagai 1:9

“Ni nan mak ke ni ga nan chee tijikaar sakpen, le naa nan kpann kpala. Le naah di tijikaar ngbaan kun linampal na, m pii ti libuln di buen. Ba ŋa aan m ŋa kina? Unii mɔk aanimbil aah man ubaa aadichal pu aan Maadichal ber ki dɔ na pu le cha m ŋa kina.

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.