Ŋiyataŋak 27:10 - Uwumbɔr aagbaŋ

¹⁰ Taa suln aajɔtiib ni aate aajɔtiib bɔr. Aa yaa bi tibɔr ni kan, taa ban aate aabo chee nterm; aaŋeen aatɔ u koo gbɔk si na ga ŋmaa ter si ki jer aate aabo u bi dandar na aah ga ter si pu na.

Ŋiyataŋak 27:10 ပူးပေါင်းရင်းမြစ်များ

2 Samuel 19:24

Le Sɔɔl aayaabil Mefibosef mu dan ke u nan tooh ubɔr nsan ni. Waa nan finn utaa, kaa kuu ulangbaln, kaa finn waawanpeenkaan, ki nyan bundaal Ubɔr David nan nyan Jerusalem ni na, ki nan saa waah di linyaŋ gir ni pu na.

2 Samuel 19:28

Nte aadichal mɔmɔk ŋeer ke si Mpɔɔndaan ku ti mɔmɔk; aa mu nan tee tii mi nsan ke m li ji aa chee tijikaar. Maa ki kpa nsan mubaa ke m ki mee si Mpɔɔndaan chee tiŋann tibaa.”

2 Samuel 21:7

Tɔ, u ni Jonatann aah nan puu tɔb tipuukpaan ti na pu, David nan di cha Sɔɔl aayaabil Mefibosef, u aate nan ye Jonatann na.

2 Bibɔrb Aabɔr 24:22

Ubɔr nan suln Sekaria aate Jehoyada aah nan tun litunyaan li tii u na bɔr, le ki cha bi ku Sekaria. Sekaria aah bi kpu na, le u teen ki len ke, “Uwumbɔr li waa naah ŋani pu na ki daa nitafal.”

Ŋiyataŋak 17:17

Jɔtiib mɔk tɔb ngeehm n‑yoonn mɔmɔk la. Naabitiib ma yakr tibɔbir la.

Ŋiyataŋak 18:24

Kijɔtiik kibaa aa yunni, le jɔtiib bibaa mu jer unii ni una aabo.

Ŋiyataŋak 19:7

Hali ugiin aanaabitiib aa yin u nibaa, kina pu na, naa ye iwaan ke ugiin aa kpa jɔ. U po gee u pɔɔn ubaa, ba pu? waan ŋmaa daa ubaa tam ni ubaa.

Jeremia 2:5

Uwumbɔr bui ke: “Ngalm mulamu aan niyaajatiib nan di galn mi? Ba nan cha bi fenn bipuwɔb tii mi? Bi nan dooni ŋiwaa ŋi kaa bi tibaa ni na le ki mu kpaln maabitibaanidam bibaa.

Lituln 23:12

Naah woln kitaak kichakpiik ni na, le Juu yaab bibaa kuun tɔb chee, ki kpokl, le ki puu ke baan ji tijikaar, kaan nyu nnyun mu see bi ku Pɔɔl.

Ikaal 22:1

“Ni yaa kan niŋeen aatɔ Israel aanii aanaa, bee upiih wɔŋ ki cha kan, taa cha u buen, chuu u ti tii uwandaan.