Ŋiyataŋak 26:5 - Uwumbɔr aagbaŋ

⁵ Unii yaa baa si tibɔr ti kaa kpa ŋitaa kan, di tibɔr ti kaa kpa ŋitaa na giin kii u, aan u bee ke waalan aa fuu waah ba dak pu na.

Ŋiyataŋak 26:5 ပူးပေါင်းရင်းမြစ်များ

Ŋiyataŋak 26:12

Ujɔr sakpiin soor unii u dak ke u chi kaa chi na.

Ŋiyataŋak 26:4

Aa yaa gar kijɔrk aabaan kan, aa mu jɔr ke unii u baa mu na la.

Ŋiyataŋak 26:6

Aa yaa di inaŋ di naŋ ujɔr kan, ni naahn ke saah gaa gii aataal le na; aa bi ban tibɔr le na.

Ŋiyataŋak 28:11

Biwankpadam dak n‑yoonn mɔmɔk ke bi kpa nlan la, le ugiin u kpa ichiin ki nyi mbimbin na nyi jer bi.

Ŋiyataŋak 3:7

Taa dakl daalbaadaal ke aa nyi jer saah nyi pu na; kii tii Uwumbɔr, ki yii titunwanbir aatum.

Aisaya 5:21

Nimi aadoon le na. Ni dak ke ni chi la, ke ni chi sakpen la.

Jɔnn 8:7

Bi nan beenin baa u, le u yaar ki bui bi, “Ni ponn ni u kaa kpa taani na kan, u puen mee upii wee litakpal,”

Rom Yaab 11:25

Nnaabitiib, m ban ke ni bee tibɔbɔrkaan tibaa, aan ki taa li dak ke ni kpa nlan sakpen. Juu yaab bibaa kpak tibɔnyaan tee la, ki ga kpak ti ki nan saa buyoonn binib bi kaa ye Juu yaab aan Uwumbɔr lee bi na ga ŋmar na.

Rom Yaab 12:16

Ni li kpaa kimɔbaan man. Ni li jɔnni bigiim man, ki taa li kpa kalmbaani. Ni taa li dak ke ni kpa nlan sakpen.

Taitus 1:13

Ulankpal ngbaan aah len pu na ye mbamɔn la. Nima pu na, kae bi mbamɔm, aan bi li dii Yesu aasan chob,