Ŋiyataŋak 25:25 - Uwumbɔr aagbaŋ

²⁵ Aa yaa ŋun tibɔnyaan ti nyan ni dandar na kan, ni naahn ke saah kan nnyunsoom n‑yoonn mu nnyunyuu joo si na la.

Ŋiyataŋak 25:25 ပူးပေါင်းရင်းမြစ်များ

Mpiin 45:27

Tɔ, n‑yoonn mu bi tuk u ujapɔɔn Josef aah len pu na mɔmɔk, aan u kan itaan, ni tɔroku tiib, bi Josef len ke bi di yoor ni u na ki di dan Ijipt aatiŋ ni, le usui nin doon.

2 Samuel 23:15

David aalaasaab nan gur bi linampal ni la, le u bui ke, “Ubaa yaa ba joo ni mi nnyun mu nyan Betlehem aabisamɔb aanyunbun na ponn ni kan, m ba gee.”

Ilahn 63:1

Uwumbɔr, sin le ye Maawumbɔr, le m neen si. Nsui, ni nwon mɔmɔk ban si ke kitiŋ ki kuur, ki laa itiween, kaa kpa nnyun na aah ban nnyun pu na la.

Nnyam 17:6

M ga loln nsan ki ti sil litakpasakpeln libaa pu, Sainai Aajool na chee. Faa litakpasakpeln ngbaan, le nnyun ga nyan ni li ponn ni aan binib ngbaan nyu.” Moses nan ŋa kina Israel yaab aaninkpiib ngbaan aanimbil ni.

Ŋiyataŋak 15:30

Binib bi laa limɔmumukl na tii mpopiin la, le tibɔnyaan mu pɔɔk itaakpab.

Ŋiyataŋak 25:26

Uninyaan yaa ti kii utunwanbirdaan aamɔb kan, ni naahn baah di nnyɔk ŋa liboln aanyun ni, bee nnyunbun mu kpa tijɔŋ na la.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 55:1

Uwumbɔr bui ke, “Dan man, unii umɔk nnyunyuu joo u na, nnyun le na do. Nimi bimɔk aa kpa ŋimombil na, dan man, nan daa tijikaar ki ji man. Dan man, nan daa ndaan ni nnaabiin man, naan pa limombil libaa.

Jeremia 18:14

Lebanonn aajootakpal paab aa kee kɔŋ ŋitaanal. Lebanonn aajoo aakpen i soon na aa kee kuur daalbaadaal.

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Jɔnn 7:37

Bundaln njim ga doo na, liyaadaal le nan ye njim sakpem. Liyaadaal ngbaan le Yesu sil ki len mpɔɔn pu, “Nnyunyuu yaa chuu u na kan, udaan dan m chee ki nan nyu.

Rom Yaab 10:15

Uwumbɔr yaa kaa tun bi ke bi ti moon waaliin kan, bi ga ŋa kinye aan ki moon i? Ni ŋmee Uwumbɔr Aagbaŋ ni ke, “Binib bi joo ni tibɔnyaan ti tii timi nsuudoon na, bi tii timi mpopiin pam.”

1 Timoti 1:15

Yesu Kristo nan dan dulnyaa wee ni ke u nan nyan titunwanbirdam baatunwanbir ni la. Tibɔr timina gbii la. Ni ŋan ke binib mɔmɔk gaa ti ki kii. Min le ye titunwanbirdaan ki jer binib mɔmɔk.

Josua 22:33

Le ni mɔɔr Israel yaab mɔmɔk, le bi pak Uwumbɔr. Baa nan ki dak ke bi ga buen ti to Rubenn ni Gad yaab butɔb.

Tibɔkpiirkaan 21:6

Le u ki bui mi ke, “M ŋa tiwan ngbaan mɔmɔk doo. Min le ye Alfa ni Omega, mpiin ni ndoon ngbaan. Unii umɔk nnyunyuu chuu u na, m ga tii u limɔfal aanyun, le waan pa nibaa.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.