Ŋiyataŋak 25:20 - Uwumbɔr aagbaŋ

²⁰ Unii aasui yaa bii aan aa bi gaa ilahn u chee, ni aa chuu peer unii aawanpeenkaan tiwoor aah bi bundaln na ye tiwan nibaa la; ki wu ke saah di n‑yaan ŋa mbuun ni kan, ni wu pu na.

Ŋiyataŋak 25:20 ပူးပေါင်းရင်းမြစ်များ

Ŋiyataŋak 10:26

Taa cha ugbanyakdaan ŋa lituln libaa tii si; u ga li bi ke tiwan ni mɔɔn na aah koo aamɔb ni kan, ni bi pu na, bee iŋmanyuu aah koo aanimbil ni kan, ni bi pu na.

Ŋiyataŋak 25:19

Aa yaa nyu unyamɔndaan pu baala limukl aayoonn kan, ni naahn ke aanyiln le aah ban li fenn aan aa joo ŋmɔ tiwan, bee aataal le aah kpir aan aa joo chuun na.

Ŋiyataŋak 25:21

Nkon yaa joo saadin kan, kpiin u; nnyunyuu yaa joo u kan, tii u nnyun u nyu.

Ulandaan 3:4

U siin mpombiin aayoonn, le mpopiin mu aayoonn bi, ikpowiil aayoonn bi, le liwaal aayoonn mu bi,

Aisaya 58:7

Yakr man nimi aajikaar tii nkon aah joo binib bi na, ki piir nimi aadichal tii bigiim bi kaa kpa nkookoo yaan na. Tii binib bi kaa kpa nibaa peeni na bi peen, ki li joo nido yaab man.

Daniel 6:18

Le ubɔr gir kun, kaa ti ŋmaa geen kinyeek ngbaan, kaa jin tijikaar, kaa cha bi gbiir ngbiir tii u liyaadaal ngbaan.

Rom Yaab 12:15

Ni li kpa mpopiin binib bi kpa mpopiin na chee, ki li wii binib bi wii na chee.

Jemisi 5:15

Bi yaa mee Uwumbɔr ki pak ke u ga tii u laafee kan, mmeen ngbaan le ga cha ubun ngbaan pɔɔk, le Tidindaan ga fiin u. U yaa tun titunwanbir kan, u ga di cha pinn u.