Ŋiyataŋak 24:7 - Uwumbɔr aagbaŋ

⁷ Unii u kaa kpa nlan na aa beer nlan aabɔr aatataa. Bi yaa bi kpokl tibɔkpaan kan, u ka ŋmin la.

Ŋiyataŋak 24:7 ပူးပေါင်းရင်းမြစ်များ

Job Aagbaŋ 31:21

M yaa nan jin ukpobo pem pem daalbaadaal ki nyi ke m ga ti nya libɔjil ni kan,

Job Aagbaŋ 5:4

Bijapɔtiib aan kan ŋŋmarm kpala; le ubaa aa bi ki ga sil bichaŋ ni, libɔjil ni.

Ilahn 10:5

Ubiindaan kani tinyoor waatuln mɔmɔk ni la. Waa beer Uwumbɔr aabɔjil aatataa; u lik seeni waadim la.

Ilahn 127:5

Uja u kpa kina aapiin sakpen na kpa mpopiin. U yaa ti yiŋ waadim libɔjil chee kan, waan lir kpala.

Ŋiyataŋak 14:6

Unii u yoor ubaa paacham sakpen na aan ŋmaa kan nlan, le bilandam ma yaa ban bi bae kan, naa pɔɔ bi.

Ŋiyataŋak 15:24

Bilandam aasan cha paacham limɔfal chee la, naa ye nsan mu cha taab nkun ni na.

Ŋiyataŋak 17:16

Ujɔr yaa ji waamombil tiwan aabaem pu kan, naa kpa u tinyoor tibaa, ba pu? waa kpa kpakpaln aalan.

Ŋiyataŋak 17:24

Unii u chi na lik ban isanyaan la, le ujɔr ma piini waah gee lipepel li na.

Ŋiyataŋak 17:7

Bijɔrb aa kpa tinyoor aabɔr tibaa bi len, le biyidam ma aa geei inyamɔn.

Ŋiyataŋak 22:22

Taa lik ubaa ke u ye ugiin aa ŋa u saageehn, taa lik binib bi si libɔjil ni kaa kpa nterm na ke aa pii bi ki ji.

Ŋiyataŋak 28:5

Titunwanbirdam aa nyi ibamɔn, le binib bi dii Uwumbɔr na ma beer ibamɔn mbamɔm.

Ŋiyataŋak 31:23

Le unii mɔk nyi uchal bɔr ke u ye uninyuun la.

Aisaya 29:21

Binib bi bii biken ki biini titunwanbirdam aatun pu kaa dar bitafal, ki mu geei inyamɔn aan bibamɔndam aa kani baabamɔn na, Uwumbɔr ga kuln bi.

Aisaya 32:6

Ujɔr le ye unii u len kijɔrk aaliin, ki dakl ilandak i kaa ŋan na. Waah ŋani pu na, ni waah len pu na mɔmɔk ye lisiibil le ki tii Uwumbɔr; waa kpiini nkon aah joo binib bi na, kaa tii binib bi nnyunyuu joo bi na mu nnyun.

Amos 5:10

Nimi le nan binib bi len ibamɔn kaa gee inyamɔn aabɔr na.

Amos 5:12

M nyi nimi aatunwanbir sakpenn ti ni ŋani na aakahm. Ni ŋani binibamɔm mbiin, le ki gaal igaŋgaŋlik, le ki cha bigiim aa ŋmaa kani ibamɔn libɔjil ni.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

1 Korenti 2:14

Unii u kaa kpa Uwumbɔr Aafuur Nyaan na, u yii Nfuur Nyaan aabɔr, ki dak ke Nfuur Nyaan aabɔr ye kijɔrk aabɔr la. Uwumbɔr Aafuur Nyaan le cha binib bee mu aabɔr. Nima pu na, unii u kaa kpa Uwumbɔr Aafuur Nyaan na aa ŋmaa bee mu aabɔr.