Ŋiyataŋak 24:32 - Uwumbɔr aagbaŋ

³² M nan lik nima, ki dakl lik, le ki bae mbaem kisaak ngbaan chee.

Ŋiyataŋak 24:32 ပူးပေါင်းရင်းမြစ်များ

Job Aagbaŋ 7:17

Ba ŋa unibɔn aabɔr muk aa chee kina? Ba ŋa aa gar waah tun pu na?

Ilahn 4:4

Di cha titunwanbir, ki li jii ijawaan pu. Ni yaa dɔ suuna nimi aawandookaan pu kan, ni dakl lik nimina mbamɔm man.

Ŋiyataŋak 24:31

Ikokon ni timoor le nan muun gaa ki ni. Waah di idɔ i gob ki na nan lir dɔ kitiŋ.

Ŋiyataŋak 24:33

Aa yaa gee kan, li cha ki ti doon geen, doon ki geen. Di aaŋaal bɔɔb aabaa ki li dɔ fuur,

Tibɔnyaan ti Luk ŋmee ti na 2:19

Mari le teer tibɔr timina mɔmɔk, ki dakl lik taatataa usui ni.

Tibɔnyaan ti Luk ŋmee ti na 2:51

Le u dii bi ki gir Nasaref aatiŋ ni, le ki kii bimɔi. Le una joo tibɔr timina mɔmɔk usui ni.

1 Korenti 10:11

Tibɔr ngbaan nan ŋa bi kina ki ye limɔkl le ki mɔk binib. Bi nan ŋmee ti Uwumbɔr Aagbaŋ ni, ke ni li ye nsurm le ki tii timi bi bi kookoo aayoonn na.

1 Korenti 10:6

Tibɔr timina ye nsurm le ki tii timi, ke ti taa ban tiwan ni kaa ŋan na, ke baah nan ban pu na.

Ikaal 13:11

Israel yaab mɔmɔk yaa ŋun naah ku u pu na kan, bi ga san ijawaan, le ubaa aan ki ŋa titunwanbir ngbaan aaboln.

Ikaal 21:21

Bi cha kitiŋ ngbaan ni aajab mɔmɔk mae ŋitakpal ki ku u, nima kan, ni ga nyan titunwanbir kina aaboln nibaa chee. Binib bimɔk bi Israel aatiŋ kee ni na yaa ŋun naah ŋa pu na kan, bi ga san ijawaan.

Ikaal 32:29

Baa bee tiwan ni bi ŋa aan baadim nyaŋ bi na, kaa bee tiwan ni pii bi na aatataa.