Ŋiyataŋak 24:28 - Uwumbɔr aagbaŋ

²⁸ Taa ŋa seeraadaan tii unii kaa nyi tibɔr ngbaan aabamɔn. Taa gii inyamɔn paan unii ubaa.

Ŋiyataŋak 24:28 ပူးပေါင်းရင်းမြစ်များ

Job Aagbaŋ 2:3

Le Uwumbɔr baa u ke, “Aa kan maatutunn Job aah bi pu na aan saa kan. Ubaa aa ki bi kitiŋ pu ki kpa mbimbinyaan ki dii mi mbamɔm ke uma na. U dooni mi, le ki nyi kaa tun titunwanbir. Aa nan muk mi ke m cha aa ti tak u, ntakn mu kaa kpa tataa na pu, le Job beenin kpa gaakii ke waah nan kpa pu na.”

Ilahn 35:11

Titunwanbirdam mɔnn inyamɔn paani mi, ki galni mi taani u pu maa nyi na.

Ilahn 35:7

Maa ŋa bi nibaa, le bi tee pen mi gaawɔb, ki gbii libuul li nyoo na bil mi.

Ilahn 52:1

Unikpaan, ba ŋa aa kpa kipupuk saatunwanbir pu? Uwumbɔr aageehm aa kpa ndoon.

Nnyam 20:16

“Aa taa mɔn nnyamɔn paan unii ubaa.

Nnyam 23:1

“Ni taa di inyamɔn aabɔr ki moon lipaal, ki taa gii inyamɔn ke aa di gaa mbiindaan lii.

Ŋiyataŋak 14:5

Saah ga ŋmaa nyu useeraadaan u pu baala na len ibamɔn n‑yoonn mɔmɔk la, le saa kaan ŋmaa nyu u pu baala na ma geei inyamɔn ŋmeen la.

Ŋiyataŋak 19:5

Aa yaa geei inyamɔn libɔjil ni kan, aa ga kan ntafadaan; saan nyan mu ni.

Ŋiyataŋak 19:9

Unii ubaa aa geei inyamɔn libɔjil ni ki nya ntafadaan ni, waamɔfal junn la.

Ŋiyataŋak 21:28

Ubaa aa tii unyamɔndaan aaseeraa naadii, ulandakdaan ma aaseeraa kan, bi mɔmɔk tii u naadii la.

Ŋiyataŋak 25:18

Unii yaa gii inyamɔn paan si kan, ni ga ŋmaa ku si ke kijukaan, ni lichakukul, ni nlapiin aah ku pu na la.

Liifai Yaab 19:11

“Ni taa su kinaayuk, bee ni ji niŋeen aatɔ pem pem, bee ni gii inyamɔn.

Liifai Yaab 6:2

Ubaa yaa yii, kaa giin uŋeen aatɔ aah di tiwan ni tii u, u di bil na, bee u yaa sun waawan nibaa, bee u jin u pem pem,

Liifai Yaab 6:3

bee tiwan nibaa yaa wɔŋ aan u pii ni ki nee ke waa kan ni kan, u tun Uwumbɔr titunwanbir le na.

Matiu 27:23

Le u ki baa bi, “Ba ŋa? U tun bakaa bayoo?” Le bi moo tar mpɔɔn pu ke, “Kpaa u ndɔpuinkoo pu,” le ki ban bi ŋma tijar.

Jɔnn 15:25

Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’

Efesusi 4:25

Nima pu na, ni taa ki mɔni inyamɔn. Ni mɔmɔk li len ibamɔn tɔb chee. Ti yaa ŋmanni tɔb kan, ni naahn ke tiwon aawan nibaa le aah ŋmanni niken na.

Kolosiya 3:9

Ni taa mɔln inyamɔn ki tuk tɔb; ba pu? ni nan di nimi aabimbikpok aatuln lii a,

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.