Ŋiyataŋak 24:16 - Uwumbɔr aagbaŋ

¹⁶ Unibamɔnn yaa lir sakpen pu na kan, u ga ki fii sil; le tibɔbir ga ku ubiindaan ma.

Ŋiyataŋak 24:16 ပူးပေါင်းရင်းမြစ်များ

Mpiin 19:35

Nima pu na, bi nan ki nyunn bite ndaan kinyeek ngbaan le u gbii, le ubisal uwaatiir mu doon u chee. Waah nan ki nyun ndaan gbii ti nyaŋ na, waa nan nyi tiwan ni ubisawaatiir mu ki ŋa na.

Esta 7:10

Kina pu na, bi nan leen Hamann iŋmin, ŋikpan ŋi pu u nan kpaa ke u leen Modekai na. Le ubɔr aaŋuul nin sɔŋ.

Job Aagbaŋ 5:19

N‑yoonn n‑yoonn pam le u ga nyan si titotonn ni.

Ilahn 34:19

Uninyaan kani ŋimuk aabɔŋ aabɔŋ la, le Uwumbɔr nyani u ŋi mɔmɔk ni;

Ilahn 34:21

Titunwanbir le ga ku mbiindam; u ga daa binib bi kaa gee bininyaam na aatafal.

Ilahn 37:24

Bi yaa lir kan, baan doon kitiŋ, ba pu? Uwumbɔr le ter bi.

Ilahn 52:5

Kina pu le Uwumbɔr ga kuln si, u ga yoor si ki nya saadichal ni. U ga nyan si binib bi kpa limɔfal dulnyaa wee na ni.

Ilahn 7:16

Kina pu na, bibaa aatunwanbir le dar bitafal, le baabimbin mu pɔɔ na mu tii bi titotonn.

Ilahn 79:12

Uwumbɔr, pa ŋitimbol ŋi seei si ŋisiibil mɔmɔk aabɔŋ na nfum mulole pu baah seei si pu na.

Ŋiyataŋak 13:17

Ntuun mu aa ti len ibamɔn na joo ni tibɔr la, le saah ga ŋmaa nyu binib bi pu baala na ma joo ni nsuudoon.

Ŋiyataŋak 13:21

Tibɔbir dii titunwanbirdam nin chee mɔk bi cha na la, le binib bi aabimbin ŋan na aapar ye tiwan ni ŋan na.

Ŋiyataŋak 14:32

Bibiindam le joo baatunwanbir kulni baamɔfal, le bininyaam ma kpa limakl nkun ni.

Ŋiyataŋak 24:22

kina aanib aamɔfal aa cha mɔb pu. Uwumbɔr ni ubɔrkpaan ga ŋmaa tii si tibɔr.

Ŋiyataŋak 6:15

Nimina pu na, tibɔbir yaa ga pii bi kan, baan li nyi ti pu, le bi ga kan iween i ga ku bi na.

Jeremia 18:17

M ga cha maanib yaa baadim chee, ke liwipuul wɔb aabuln aah daar titan pu pu na. M ga fenn mpuwɔb tii bi; maan ter bi buyoonn bi bi tibɔbir ni na.”

Jeremia 8:4

Uwumbɔr nan bui mi ke m tuk waanib ke, “Unii yaa lir kitiŋ kan, waa ki fi sii paacham aa? Unii yaa yenn nsan kan, waa ki fenn upuwɔb aa?

Esekiel 7:5

Tidindaan Uwumbɔr aah ki len pu na sɔ: “Tibɔbir tibaa ga dan aa pu le tiken paan ni.

Amos 5:2

Israel aatiŋ lir a, kaan ki fii sil kpala. Ki kpo bee kitiŋ, le ubaa aan ter ki, ki fii sil.

Amos 8:14

Binib bi puuni Samaria aawaa ki len ke ‘Dann aawaal pu’, bee ‘Beerseba aawaal pu’ na, kina aanib ga lir, kaan ki fii sil daalbaadaal.”

Nkahm 32:23

Ni mu yaa kaa ŋa naah puu pu na kan, m sur nimi la, ni ga tun titunwanbir Uwumbɔr chee, le u ga sil daa nitafal.

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

1 Samuel 26:10

David nan ki len ke, “Uwumbɔr u bi n‑yoonn mu kaa kpa ndoon na pu, m nyi ke Uwumbɔr ubaa le ga ku Sɔɔl. Nibaakan ni ga nan li ye waakun la, bee u ga nan kpo butɔb ponn ni la.

1 Samuel 31:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.