Ŋiyataŋak 23:7 - Uwumbɔr aagbaŋ

⁷ U ga bui si ke, “Dan nan ji kpee;” umɔb le len, usui aa kii. Waah dak pu na ye waabimbin aah bi pu na la.

Ŋiyataŋak 23:7 ပူးပေါင်းရင်းမြစ်များ

Ilahn 12:2

Bi mɔmɔk geei tɔb inyamɔn la; bi joo kimɔmɔɔn le ŋmanni tɔb.

Ilahn 55:21

Waamɔbon nan mɔ ke tisiir na, le uponn ni ma tee to; waamɔbon nan sɔŋni unii aasui ke nkpapem na, le ki tee geei ke kijaak aajuk ki ka na.

Ŋiyataŋak 19:22

Kukumɔŋ ye inimɔɔn la; binib bi ye bigiim na soor binyamɔndam.

Ŋiyataŋak 26:23

Ikpatakpaln i bɔrni unii aabimbin na aah bi pu na naahn n‑yam aah bi tiyakr aabukpiik pu pu na la.

Ŋiyataŋak 26:24

Unii u ŋmanni binib na joo waananaŋ bɔrni waamɔmɔɔn aabɔgbaal ponn ni la.

Ŋiyataŋak 26:25

Waamɔliin ga li mɔ ki ŋan, taa gaa waah len pu na, ba pu? usui gbii kinanaŋ le ki ti bar kpir.

Daniel 11:27

Le bibɔrb bilee ngbaan ga kpaan kal ke bi ji tijikaar lisambil libaa ni, bi mu aalandak ga li ye titunwanbir aalandak la, le bi mɔnn tɔb inyamɔn. Baan kan baah ban pu na, ba pu? baah ban pu na aayoonn aa kee fuu ni.

Tibɔnyaan ti Luk ŋmee ti na 7:39

Farisii aanii ngbaan aah kan kina na, le u dak usui ni ke, “Uja wee yaa sil ye Uwumbɔr aabɔnabr kan, u ba ga bee upii u meeh u na aabimbin aah bi pu na, ke u ye titunwanbirdaan la.”

Bibɔjirb 16:15

Delila nan ki bui u ke, “Aa ŋmanni mi, le ki bui ke aa gee mi ii? Aa di mi ŋa ugbaan nfum mutaa le na, le kaa kee bui mi tiwan ni cha aa kpa mpɔɔn sakpen kina na.”