Ŋiyataŋak 23:6 - Uwumbɔr aagbaŋ

⁶ Taa ji ukumɔndaan chee tijikaar. Taa li kpa lipuul waajikaar pu ke ti ŋan.

Ŋiyataŋak 23:6 ပူးပေါင်းရင်းမြစ်များ

Ilahn 141:4

Li kii mi aan m taa li neen ke m tun taani, ki li kii mi m taa kpaan titunwanbirdam chee baabiin aatuln ni. Taa cha m kpaan bi chee baajim ponn ni.

Ŋiyataŋak 22:9

Li ye ubulchinn daan ki yakr saajikaar tii bigiim. Aa ga kan tinyoor ni pu.

Ŋiyataŋak 23:3

Taa ji sakpen ke waah tii si tijikaar ti na ŋan ki mɔ; nibaakan u ban u lik saabimbin aah bi pu na ki ŋmann si la.

Ŋiyataŋak 28:22

Bikumɔndam ban ke bi kan liwangol mala, kaa tee nyi buyoonn igiin ga fuu ni bi na.

Matiu 20:15

Maa kpa nsan ke m di maamombil ŋa maah gee pu na aa? Maah kpa tibulchinn pu na le cha aa kpa lipiipoln aa?’

Tibɔnyaan ti Mak ŋmee ti na 7:22

ni iniman, ni mbiin, ni linyamɔngee, ni inimpoo, ni lipiipoln, ni ŋisiibil, ni kalmbaani, ni kijɔrk aatuln.

Ikaal 15:9

Ni taa yii ki bui ke libiln li ni ga di cha pinn bipɔndam na peen a, naan ki tii u nibaa. Ni taa cha tilandakbir kina aaboln koo nisui ni. Ni yaa yii ke naan tii udaan kan, u ga wii ki yin Uwumbɔr naah ŋa u tiwan ni na pu, le Uwumbɔr ga chuu si taani.

Ikaal 28:56

Upii u mu ye uninyuun, ki nyan ni biyidam do, ki kpa ŋimombil sakpen, kaa nya chuun yɔl yɔl na mu ga ŋa kina la. Nimi aadim yaa lir nimi aatim pu kan, tijikaar aabɔr ga muk upii kina aaboln, le u di waabopɔɔn ni libɔl ŋmɔ. Waan kii ke u tii uchal u u gee u na, bee waabim bi gur na tinann ngbaan bi mu ŋmɔ.