Ŋiyataŋak 23:31 - Uwumbɔr aagbaŋ

³¹ Taa cha ndaan ŋmann si; taa lik ke mu ŋan ki man, ki kpenn kidayikuuk ni, ki sunni aaneen ni suuna.

Ŋiyataŋak 23:31 ပူးပေါင်းရင်းမြစ်များ

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

Job Aagbaŋ 33:1

Tɔ, Job, li pel mbamɔm maah kpa timɔk m len na.

Ilahn 119:37

Taa cha ntafal li bi tiwan ni kaa kpa tinyoor na ni; saah puu pu na, li kpa m pu tiŋann.

Ŋiyataŋak 6:25

Taa cha baanyaan chuu si, ki taa cha baadagoonimbil chuu si.

Solomonn Aalahn 7:9

le aamɔb ni mɔ ke ndamɔɔn na. Kina kan, cha ndaan ngbaan pii mbɔɔn, ki li puu umɔgban ni unyin pu.

Tibɔnyaan ti Mak ŋmee ti na 9:47

Aa yaa gee tiwan ke saah gee aanimbil pu na aan tiwan ngbaan yaa tɔŋ si ke aa tun titunwanbir kan, di ni lii. Aa yaa lann linimbil libaa ki koo Uwumbɔr do kan, ni soor ni aa li kpa ŋinimbil ŋilee, ki ti li bi mmii mu kaan junn na ni.

Efesusi 5:18

Ni taa nyu ndaan ki gbii man. Ndaan ga bii nimi la. Cha Uwumbɔr Aafuur Nyaan li gbii nimi n‑yoonn mɔmɔk,

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.