Ŋiyataŋak 23:26 - Uwumbɔr aagbaŋ

²⁶ Maabo, pel mbamɔm ki cha maabimbin li ye limɔkl ki tii si.

Ŋiyataŋak 23:26 ပူးပေါင်းရင်းမြစ်များ

Ilahn 1:2

Baah gee pu na le ye ke bi keei Uwumbɔr Aakaal aah len pu na, le ki bae mu nwiin pu ni kinyeek.

Ilahn 107:43

Cha binib bi kpa nlan na li dakl lik timina; Cha bi dakl lik Uwumbɔr aageehm mu bi n‑yoonn mɔmɔk na.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 119:24

Saah mɔk mmɔkm pu na tii mi mpopiin; muma le ye maasusur.

Ŋiyataŋak 3:1

Maabo, taa suln maah tuk si pu na. Li teer maah tuk si ke aa ŋa pu na n‑yoonn mɔmɔk.

Ŋiyataŋak 4:23

Li nyi saah dak pu na; saabimbin naahn saalandak la.

Ŋiyataŋak 4:4

U ga nan len ke, “Teer maah tuk si pu na n‑yoonn mɔmɔk ki taa suln ni daalbaadaal. Ŋa maah mɔk si pu na, ki li kpa limɔfal.

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Tibɔnyaan ti Luk ŋmee ti na 14:26

“Unii yaa dan u nan dii mi, ki yaa kaa gee mi ki jer waah gee ute ni una, ni upuu, ni waabim, ni unaatiib, ni ukpetiib, ni uninkpatiib, ni waamɔfal pu na kan, waan ŋmaa dii mi.

2 Korenti 8:5

Bi tii ki jer taah nan dak pu na. Njan, le bi di bibaa tii Tidindaan, le ki nin di bibaa tii ti mu, Uwumbɔr aageehn pu.

Efesusi 3:17

ki ki mee u ke Kristo li bi nisui ni, naah gaa u ki kii pu na, ki ki mee u ke ngeehm li bi ni chee mbamɔm,

Ikaal 6:5

Ni li gee Nidindaan Uwumbɔr nimi aasui mɔmɔk ni, ni nimi aawiin mɔmɔk, ni nimi aapɔɔn mɔmɔk.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.