Ŋiyataŋak 23:17 - Uwumbɔr aagbaŋ

¹⁷ Taa li dak ke aa ba li yeh kinimbɔŋdaan aawan. Cha Uwumbɔr aapakm li ye saalandak.

Ŋiyataŋak 23:17 ပူးပေါင်းရင်းမြစ်များ

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ŋiyataŋak 15:16

Ni ŋan ke aa li ye ugiin ki san Uwumbɔr ki jer ke aa li kpa sakpen ki bi tibɔr ni.

Ŋiyataŋak 24:1

Taa dak ke bibiindam aawan ba li ye saawan, ki taa jɔnn bi kijɔtiik.

Ŋiyataŋak 24:19

Taa cha kinimbɔŋdam aabɔr li muk si; ki taa li kpa lipiipoln bi pu.

Ŋiyataŋak 24:21

Maabo, li san Uwumbɔr ijawaan ki pak u, ki li pak saabɔrkpaan. Taa dii binib bi yii baamɔi na aabɔr;

Ŋiyataŋak 28:14

Aa yaa ban mpopiin kan, kii tii Uwumbɔr n‑yoonn mɔmɔk. Aa yaa kpa tafalaaŋun kan, saamɔfal ga junn.

Ŋiyataŋak 3:31

Taa li kpa lipiipoln binib bi bir na pu, ki mu taa tun baah tun ŋitun ŋi na,

Ulandaan 5:6

Taa cha aabaa aamɔboln di si koon titunwanbir ni, ki taa bui Uwumbɔr aatotoor ke aa ba ŋani yaansara la. Ba ŋa aa ban Uwumbɔr aaŋuul fii aa pu ki bii tiwan ni aa di aaŋaal ŋa na?

Ulandaan 5:7

Aa yaa daŋni tidaŋ pu na, ki tun tuyɔlyɔl pu na, ki len tibɔr sakpen pu na kan, aa li san Uwumbɔr.

Lituln 9:31

Nima pu na, Yesu aanib bi nan bi Judea aatim ni, ni Galilee aatim ni, ni Samaria aatim ni na nan gaa bibaa. Unii ubaa aa ki muk bi. Le bi moo bae Tidindaan aaliin n‑yoonn mɔmɔk, ki pak u. Le Uwumbɔr Aafuur Nyaan ter bi, ki cha binib moo kpee bi pu.

2 Korenti 7:1

Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.