Ŋiyataŋak 23:10 - Uwumbɔr aagbaŋ

¹⁰ Taa foor aayaaja aapɔnja aah si nin chee na. Taa gaa nkpobim aatiŋ.

Ŋiyataŋak 23:10 ပူးပေါင်းရင်းမြစ်များ

Job Aagbaŋ 22:9

Aa nan yii kaa ter bikpopiib le ki nan sun nkpobim aawan ki ŋa bi falaa.

Job Aagbaŋ 24:9

Mbipɔm bi kaa kpa tetiib na le titunwanbirdam chur ŋani baanaagbiib, le ki joo ugiin aabim pa waapɔln.

Job Aagbaŋ 6:27

Aa too inaan unaagbiikpobo pu, le ki di aajɔnyaan kan liwankpal.

Ilahn 94:6

Bi ku bikpopiib ni nkpobim, ki ku biwɔwɔm bi bi timi aatiŋ pu na.

Nnyam 22:22

Ni taa ŋa ukpopii, bee ukpobo ubaa mbiin.

Ŋiyataŋak 15:25

Uwumbɔr ga kuln binib bi yoor bibaa paacham sakpen na aadichal, le ki tee ga li kii ukpopii aawangol ma.

Ŋiyataŋak 22:28

Aayaajatiib aah baan upɔnja u na, taa foor u waah si nin chee na.

Jeremia 22:3

“Min Uwumbɔr bui ke ni li ŋani tiwan ni ŋan ki ye ibamɔn na. Ni sil unii u uken bi ji u na aapuwɔb. Taa ŋa biwɔwɔm, ni nkpobim, ni bikpopiib mbiin; ki taa ku binib bi kaa tun taani ubaa na do chee na.

Jeremia 7:5

“Kpeln mbimbin mu ni bi na, ni tiwan ni ni ŋani na man. Ni li ŋani unii mɔmɔk tiŋann.

Jeremia 7:6

Taa ŋa bicham, ni nkpobim, ni bikpopiib falaa man. Taa ki ku binib bi kaa tun taani na kitiŋ kee pu. Taa ki dooni man ŋiwaa; ba pu? kina ga ŋmaa kuln nimi.

Sekaria 7:10

Ni taa li muk bikpopiib, ni nkpobim, ni biwɔwɔm bi koo ni chee na, bee bifalaadam, ki taa ban isan ke ni tun niŋeen aatɔ taani.’

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Ikaal 19:14

“Nidindaan Uwumbɔr aah ga di kitiŋ ki tii nimi na, aa taa foor aaŋeen aatɔ aatiŋ aapɔnja u bi nan siin nninkpodoyoonn na.

Ikaal 27:17

“‘Uwumbɔr aamɔpuur bi unii umɔk chuu foor uŋeen aatɔ aapɔnja aatakpal ki di mpaan kpee ubaa na pu.’ “Le binib ngbaan mɔmɔk ga kpaan ki kii ke, ‘Amii.’

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.