Ŋiyataŋak 22:7 - Uwumbɔr aagbaŋ

⁷ Bigiim le ye biwankpadam aanaagbiib. Pinn unii chee ŋimombil ki kpaln udaan aanaagbiija.

Ŋiyataŋak 22:7 ပူးပေါင်းရင်းမြစ်များ

2 Bibɔrb 4:1

Ukpopii u nan ye Uwumbɔr aabɔnabr bibaa ponn ni ubaa aapuu na nan buen Elaisa chee ki ti bui u ke, “Uninkpel, nchal kpo a. Aa nyi ke u nan ye unii u san Uwumbɔr na la. Tɔ, u nan joo uja ubaa aapɔln, le u dan ke u nan yoor njapɔtiib bilee na ti teen lipɔln ngbaan, aan bi ti li ye waanaagbiib.”

Ŋiyataŋak 14:31

Aa yaa muk bigiim kan, aa seei Uwumbɔr u naan bi na la; aa yaa ŋa ugiin tiŋann kan, aa nyuŋni Uwumbɔr la.

Ŋiyataŋak 18:23

Ugiin yaa len kan, ni ŋan ke u sunn ubaa taab mbamɔm, le uwankpadaan ma yaa gar kan, ni ye kigaak ŋmeen la.

Ŋiyataŋak 22:16

Aa yaa tii biwankpadam ipiin, bee aa yaa muk bigiim ke aa kpaln uwankpadaan kan, aa ga kpaln ugiin le aabaa.

Ŋiyataŋak 22:22

Taa lik ubaa ke u ye ugiin aa ŋa u saageehn, taa lik binib bi si libɔjil ni kaa kpa nterm na ke aa pii bi ki ji.

Aisaya 24:2

Unibɔn mɔmɔk ga ji falaa baan la: Uwumbɔr aatotoorb, ni binib, ni binaagbiib ni baaninkpiib, ni binib bi daa na, ni bi kooh na, ni binib bi pinni tiwan na, ni binib bi kpa ki pinni tii bi kaa kpa na, ni biwankpadam ni bigiim, bi mɔmɔk ga ji falaa baan.

Amos 2:6

Uwumbɔr ki len ke, “Israel yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi joo bininyaam le kooh ke bi di teen baapɔln, hali bigiim bi kaan ŋmaa pa ŋinaatak aadaak na, bi kooh bi mu la.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Amos 8:4

Li pel nimina man, nimi bi muk bifalaadam, ki ban ke ni ku doo bigiim kitiŋ kee ni na.

Amos 8:6

Ti ga ŋmaa di tigbengbir kooh kidaak ki pɔɔ na. Ti ga kan ugiin u kaan ŋmaa pa waapɔln na, hali kaan ŋmaa pa ŋinaatak pu na ki daa u, ki di u ŋa unaagbiija.”

Matiu 18:25

Waah kaa kpa ŋimombil ŋibaa ki ga pa lipɔln ngbaan na, le udindaan bui ke bi di u ni upuu, ni waabim, ni waah kpa tiwan ni na mɔmɔk, ki di kooh, aan ki di ŋimombil ngbaan pa lipɔln ngbaan.

Jemisi 2:6

Nimi le lik bigiim fam. Bilabi muk nimi ki joo nimi tii bibɔjirb? Naa ye biwankpadam aa?

Jemisi 5:1

Nimi biwankpadam, ni li pel man. Ni li wii ki li kaani falaa u ga pii nimi na pu.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.