Ŋiyataŋak 22:6 - Uwumbɔr aagbaŋ

⁶ Mɔk ubo waah ga li bi mbimbin mu na, aan u ga li teer mu ki ti saa waamɔfal aadoon.

Ŋiyataŋak 22:6 ပူးပေါင်းရင်းမြစ်များ

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Efesusi 6:4

Tetiib, ni taa fiini nimi aabim aaŋuul. Ni li joo bi mbamɔm, ki sur bi, ki tuk bi Tidindaan aabɔr.

Ikaal 11:19

Ni di i mɔk nimi aabim. Ni yaa bi linampal, bee ni yaa bi ligɔr kan, ni li len yaabɔr. Ni li len yaabɔr buyoonn ni ka fuur na, ni buyoonn ni bi tun lituln na.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Ikaal 6:7

Ni di i mɔk nimi aabim. Ni yaa ka linampal, bee ni yaa nyan buen nsan, bee ni yaa ka fuur, bee ni yaa bi tun lituln kan, ni li len yaabɔr.

2 Timoti 3:15

Aa bae Uwumbɔr Aagbaŋ aaliin tibir ni la. Iliin ngbaan ga ŋmaa tii si nlan mu ga mɔk si saah ga gaa Yesu Kristo ki kii ki ŋmar pu na.

Bibɔjirb 13:12

Manoa nan ki bui u ke, “Saamɔbon yaa nan gbiin kan, ubo ngbaan ga ŋa ba aatuln? Waabimbin ga li bi kinye?”

1 Samuel 1:28

Kina pu le m joo ni u m nan di tii Uwumbɔr. N‑yoonn mumɔk u bi limɔfal ponn ni na, u ga li ye Uwumbɔr yoo la.” Le bi doon Uwumbɔr nima chee.

1 Samuel 2:26

Samuel nan beenin chikr cha, le ki kpa kipak binib ni Uwumbɔr mu chee.