Ŋiyataŋak 22:4 - Uwumbɔr aagbaŋ

⁴ Li san Uwumbɔr ijawaan ki pak u, ki sunn aabaa taab, le ki kan liwangol, ni kipak, ni limɔfal li fɔk na.

Ŋiyataŋak 22:4 ပူးပေါင်းရင်းမြစ်များ

Ŋiyataŋak 19:23

Kii Uwumbɔr aamɔb ki li kpa limɔfal li fɔk na, ni lipugbiil, ki taa koo tibɔr tibaa ni.

Ŋiyataŋak 21:20

Bilandam bi liwankpal ni mmɔɔn ni la, le bijɔrb ma ji baamombil mala mala buyoonn bi kan ŋi na.

Ŋiyataŋak 21:21

Li kpa tiŋann ni tibulchinn, ki li kpa limɔfal li fɔk na; biken ga li pak si ki ŋani si tiŋann.

Ŋiyataŋak 22:3

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Ŋiyataŋak 22:5

Aa yaa gee saamɔfal kan, taa koo gaawɔb tiib bi chur bibiindam isan ni na ni.

Ŋiyataŋak 29:23

Kigaak le ga joo ni saadoon, le aa yaa sunn aabaa taab kan, aa kani kipak ni lisil.

Ŋiyataŋak 3:16

Nlan tii si liwangol, ni limɔfal li fɔk na, ni kipak la.

Ŋiyataŋak 31:30

Ibɔnyɔk ŋmanni, le kinyaan mu door, le upii u san Uwumbɔr ijawaan na ma kpa kipak.

Aisaya 33:6

le nibaa aan ki ŋmaa dam litimbol ngbaan. U kii waanib n‑yoonn mɔmɔk le ki tii bi nlan ni mbaem. Baawangol li bi gee sakpen na le ye ke bi li pak Uwumbɔr.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Daniel 4:36

“Maalan aah ki gir ni m chee na, le bi ki di maapak, ni maapɔɔn, ni maayimbil, ni maanaan tii mi. Maaninkpiib, ni maaninyuum nan ki gaa mi iŋaal ilee, le ki ki di maanaan aapɔɔn tii mi, hali ki pak mi ki jer maah nan bi pu na.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.

Jemisi 4:10

Ni sunn nibaa taab man Tidindaan aanimbiin ni, le u ga nyuŋ nimi.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”