Ŋiyataŋak 22:29 - Uwumbɔr aagbaŋ

²⁹ Unii u bi ki tun waatuln mbamɔm na jer binib biken, le ki ga li ye bibɔrb aajɔ.

Ŋiyataŋak 22:29 ပူးပေါင်းရင်းမြစ်များ

Mpiin 41:38

le u bui bi ke, “Ti ga ki kan ŋma u li kpa nlan ke Josef u Uwumbɔr di Waafuur Nyaan tii u na?”

Mpiin 47:6

kitiŋ ngbaan mu ye biyaan la. Cha bi ti kal Gosenn aapepel ni, nin chee ŋan sakpen na. Binib bi nyi lituln ngbaan na bibaa yaa bi bi ponn ni kan, nyan bi aan bi li lik maawakor tii mi.”

2 Samuel 2:32

Joab ni waajab nan yoor Asahel, ki ti di sub baadichal aakaakul ponn ni, Betlehem aatiŋ ni la, le ki chuun kinyeek ngbaan ki ti fuu Hebronn lichakpitaawoln.

1 Bibɔrb 10:8

Aapuutiib kpa liyinyaan. Le saatutum bi bi aa chee n‑yoonn mɔmɔk ki kpa nsan ke bi li ŋun saaninkpeliin na mu kpa liyinyaan.

1 Bibɔrb 11:28

Jeroboam nan ye unachipɔɔn u kpa liyabr na la, le Solomonn aah kan u tun lituln sakpen pu na, le u di u ŋa binaagbiib bi bi Manase ni Efraim aanibol aapepel ni na aayidaan.

1 Bibɔrb Aabɔr 4:23

Bi nan ye ubɔr aayamaab, le ki koo Netayim ni Gedera aatim ni.

Ŋiyataŋak 10:4

Aa yaa ye ugbanyakdaan kan, aa ga ŋa ugiin la, le aa yaa tun sakpen kan, aa ŋa uwankpadaan.

Ŋiyataŋak 12:24

Aa yaa tun sakpen kan, aa ga kan tininkpir, le ligbanyakl ma ga ŋa si unaagbiija.

Ŋiyataŋak 23:1

Aa yaa kal uninyuun chee aa ji tijikaar kan, li nyi waah ye unii u na.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Daniel 1:19

Ubɔr nan len bi mɔmɔk chee tibɔr, le Daniel, ni Hanania, ni Misael, ni Asaria nan kan u chee lineen ki jer biken na. Kina pu na, bi nan kpaln ubɔr aachiln ni aanib la.

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Matiu 25:21

Le udindaan bui u, ‘Nfaan, aa ye ututunn la, ki tun lituln mbamɔm. Maah nan tii si tiwan ni siib na, aa joo ni mbamɔm. M ga ŋa si tiwan sakpenn aaninkpel. Ji maamɔɔn.’

Matiu 25:23

Le udindaan bui u, ‘Nfaan, aa ye ututunn la, ki tun lituln mbamɔm. Maah nan tii si tiwan ni siib na, aa joo ni mbamɔm. M ga ŋa si tiwan sakpenn aaninkpel. Ji maamɔɔn.’

Rom Yaab 12:11

Ni taa li san ligbanyakl man. Cha ninimbil li man Tidindaan aatuln pu,

2 Timoti 4:2

li chuun mooni waabɔr. Ni yaa ŋeer, bee naa kee ŋeer kan, aa li mooni waabɔr, ki kae binib, ki li kpaa bi, ki li sur bi, ki li kpa limɔr ki tuk bi Uwumbɔr aabɔr, ki taa di cha.

1 Samuel 16:21

David nan buen Sɔɔl chee ki ti tun waatuln. Sɔɔl nan gee u sakpen, le ki lee u ke u li joo waajawan.

1 Samuel 17:31

Bijab bibaa nan ŋun David aah len tibɔr ti na, le ki buen ti bui Sɔɔl. Le Sɔɔl tun yin ni u.