Ŋiyataŋak 22:23 - Uwumbɔr aagbaŋ

²³ Uwumbɔr le ga len baabɔr tii bi, ki ga ku binib bi ban bi ku bi na.

Ŋiyataŋak 22:23 ပူးပေါင်းရင်းမြစ်များ

Ilahn 103:6

Uwumbɔr nyi baah muk binib bi na bɔr le ki ter bi ki tii bi baabamɔn.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 12:6

Aa ga ŋmaa tii Uwumbɔr aah len pu na naadii; waah len pu na ye ibamɔn ke tikunabr ti bi pun ti mmii ni nfum mulole ke bi nyan taajɔŋ na la.

Ilahn 140:12

Uwumbɔr, m nyi ke aa ter bigiim baabɔr ni, ki tii maa‑kpa‑dam baabamɔn.

Ilahn 140:13

Binib bi aabimbin ŋan na ga sil pak si; bi ga li bi aanimbiin ni la.

Ilahn 35:1

Uwumbɔr, kpak binib bi kpak mi na, ki jan binib bi tak mi na kijaak.

Ilahn 35:10

M ga di nsui mɔmɔk bui Uwumbɔr ke, “Ubaa aa ki bi ke sin na. Aa kii bigiim, binib bi pɔɔ na chee, ki kii bifalaadam binib bi muk bi na chee.”

Ilahn 43:1

Uwumbɔr, bui ke maabɔr ŋan, ki len tii mi binib bi kaa dii si na chee; nyan mi binyamɔndam ni titunwanbirdam aaŋaal ni.

Ilahn 68:5

Uwumbɔr u bi waadichal li bi chain na ponn ni na lik nkpobim, le ki kii bikpopiib.

Nnyam 22:22

Ni taa ŋa ukpopii, bee ukpobo ubaa mbiin.

Nnyam 22:23

Ni yaa ŋa bi mbiin, aan bi yaa wii ki yin mi ke m ter bi kan, min Uwumbɔr ga ŋun tii bi,

Ŋiyataŋak 21:7

Bibiindam aabimbin mu kaa ŋan na le ku bi, bi yii kaan ŋa ni ŋan na.

Ŋiyataŋak 23:11

Uwumbɔr le ye mpɔɔndaan u kii bi na, le ki ga cha aa ni uma le ji tibɔr.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Jeremia 30:16

Tɔ, dandana ma kan, binib ga nae bi mɔmɔk nan nae nimi na, bi ga chur nimi aadim tinaagbiir di buen. Bi ga muk binib bi mɔmɔk nan muk nimi na, le ki gaa binib bi mɔmɔk nan gaal nimi aawan mpɔɔn na mu aawan mpɔɔn.

Jeremia 50:34

Le u ga gaa bi lii na kpa mpɔɔn, waayimbil le ye Uwumbɔr Mpɔɔnsakpiindaan. Uma ubaa le ga gaa baabɔr, ki cha nsuudoon dan kitiŋ kee pu, le Babiloŋ aanib ma kpa tibɔbir.”

Jeremia 51:36

Uwumbɔr nan bui Jerusalem aanib ke, “M ga gaa nimi aabɔr ki cha nimi aadim pa baah ŋa nimi pu na pu. M ga cha Babiloŋ yaab aanyun aah nyan ni nin chee na kuur, ki cha baamɔɔ foor.

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Habakuk 2:8

Saah gaa ŋitimbol pam aawangol mpɔɔn pu pu na, kina le binib bi ŋmar na mu ga nan gaa saawangol; ba pu? aa ku binib pam ki kuln baatim ni binib bi mɔmɔk bi mu ni na.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

1 Samuel 24:12

Uwumbɔr ga ji timi aabɔr ki lik u aabɔr bii na. Saah ŋani mi pu na, uma le ga daa aatafal; ba pu? maa ban m ŋa si nibaa kpala.

1 Samuel 24:15

Uwumbɔr ga ji timi aabɔr, le ki bee u aabɔr bii na. Cha u lik tibɔr ngbaan ponn ni, ki sil mpuwɔb, ki gaa mi lii.”

1 Samuel 25:39

David aah ŋun ke Nabal kpo na, le u bui ke, “Pak man Uwumbɔr. U teen Nabal waah seei mi pu, ki mu aa cha min waanaagbiija tun titunwanbir ti na pu. Uwumbɔr daa Nabal aatafal, waatunwanbir pu la.” Le David tun ti bui Abigail ke u mɔn u.