Ŋiyataŋak 21:8 - Uwumbɔr aagbaŋ

⁸ Binib bi aabɔr aa ŋan na chuun nsan mu kaa tok na ni la; le binib bi aabɔr ŋan na ma ŋani ni ŋan na.

Ŋiyataŋak 21:8 ပူးပေါင်းရင်းမြစ်များ

Mpiin 6:12

Uwumbɔr nan lik dulnyaa, ki kan ke unibɔn aatunwanbir wiir ti nyaŋ.

Ŋiyataŋak 15:26

Uwumbɔr aa gee ilandak i kaa ŋan na, le ki neen kijɔtiik aamɔbon ma.

Ŋiyataŋak 2:15

ki ye binib bi unii aan ŋmaa puk kipupuk bi pu na.

Ŋiyataŋak 21:9

Aa yaa nyan ti dɔ kikaafiik ni kan, ni ŋan jer ke aa ni upii u kpa bumɔb sakpen na li kpaan koo lidichal libaa ni.

Ŋiyataŋak 30:12

Binib bibaa bi, ki dak ke baabimbin ŋan la, le ki tee kpa tijɔŋ sakpen.

Ulandaan 7:29

Maah nan bae pu na mɔmɔk sɔ: Uwumbɔr ŋa timi ke ti li bi mbimbin mu kaa pɔɔ na, le ti ŋa tibaa tiwan ni pɔɔ na.

Ulandaan 9:3

Bi mɔmɔk aadoon ye mubaa la, le nimina mu aa ŋan ke tiwan ni mɔmɔk ŋani dulnyaa wee ni na aah kaa ŋan pu na. Unibɔn umɔk kpa limɔfal na kpa kiwaatiik ni ilandak i kaa ŋan na la, le nkun piir bi libuul ngbaan ni.

Aisaya 26:7

Uwumbɔr, saa cha bininyaam aasan ponn ni kpa tibɔbir; baah chuun isan i pu na aa kpa ŋibugen.

Aisaya 59:8

le unii umɔk bi nin chee ni bi na kan, udaan aa kee kan lifuur. Naah ŋani nimɔk na aa kpa ibamɔn. Ni dii nsan mu gɔr na la, le unii umɔk dii nsan ngbaan na aan kan lifuur.

Daniel 12:10

Uwumbɔr ga toor binib pam ki nya bi tijɔŋ ni aan bi ŋa chain. Binib bi kpa mbiin na aan bee taatataa le ki ga li moo ŋani mbiin; binib bi kpa nlan na baanja le ga bee taatataa.

Matiu 12:33

“Busub yaa ŋan kan, bu aasubil ga li ŋan. Bu yaa kaa ŋan kan, bu aasubil mu aan li ŋan. Bu aasubil pu le aa ga bee bu aah ye busub bu na. Kina le unii aatuln pu le ga cha aa bee ke u ŋan aan waa ŋan.

Matiu 5:8

Binib bi dii Uwumbɔr ni bisui mɔmɔk na, waanyoor bi bi pu. Bima le ga kan uma Uwumbɔr.

Lituln 15:9

Waah ŋa kina na, u mɔk ke u pak binib bi kaa ye Juu yaab na mu. Waa yakr timi. U po dak ke binib mɔmɔk ye tiwanbaan la. Baah gaa u ki kii na, le u finn bisui ni titunwanbir.

1 Korenti 3:3

Ba pu? ni laa beenin bi ke binib bi dii dulnyaa aasan na la. Ni ponn ni bibaa kpa lipiipoln ki kpak tɔb kinikpakpak. Nima le mɔk ke ni dii ke dulnyaa aanib aah dii pu na, ki ŋani ke dulnyaa yaab na.

Taitus 1:15

Tiwan mɔmɔk bi chain binib bi bi chain na chee la. Binib bi kaa bi chain, kaa gaa Yesu ki kii na, tiwan nibaa aa bi chain ki tii bi. Baalandak mu aa ŋan. Baa ki nyi lituln li ŋan na, ni li kaa ŋan na.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

Taitus 3:5

ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.

1 Jɔnn 2:29

Ni nyi ke Yesu ye mbamɔndaan la. Nima pu le ni bee ke unii umɔk ŋani ni ŋan na ye Uwumbɔr aabo.

1 Jɔnn 3:3

Unii umɔk kpa Yesu pu limakl ngbaan na, u ŋani ubaa chain la, ke Yesu aah ye chain pu na.