Ŋiyataŋak 21:4 - Uwumbɔr aagbaŋ

⁴ Bibiindam aagaak ni baanimpoo le joo bi, nima ngbaan mu ye titunwanbir la.

Ŋiyataŋak 21:4 ပူးပေါင်းရင်းမြစ်များ

Job Aagbaŋ 18:5

Ubiindaan aamii ga sil junn la; mu aamiigaal aan ki gaa daalbaadaal.

Job Aagbaŋ 18:6

Karyaa u si waadiik ni na ga bɔnn timm.

Ilahn 10:4

Ubiindaan aatafal aa bi Uwumbɔr ni; waagaak ponn ni le u dak ke Uwumbɔr aa bi tibɔr tibaa ni.

Ilahn 101:5

M ga jenn nyan unii umɔk looni len titunwanbir uŋeen aatɔ pu na; maan kii tii unii u kpa kigaak ni inimpoo na.

Ilahn 131:1

Uwumbɔr, m di cha kigaak aatuln kaa ki kpa kalimbaani. Ntafal aa bi tibɔr ti jer mi na ni, kaa bi tiwan ni pɔɔ jer maalan na ni.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Ŋiyataŋak 24:20

Ubiindaan aa kpa fen aamakl, waan kan tiwanyaan nibaa.

Ŋiyataŋak 30:13

Binib bibaa bi, ki dak ke bi ŋan sakpen, bi po dak ke bi ŋan ni ti nyaŋ la.

Ŋiyataŋak 6:16

Tiwan nilole nibaa le bi aan Uwumbɔr kaa gee ni, kaan ŋmaa gaa ni ŋa usui ni. Nima le ye: Kigaak aanimbilikl, ni lilambil li geei inyamɔn na, ni iŋaal i ku bininyaam na, ni nsui mu dakl tilandakwanbir na, ni ŋitaa ŋi chuun mala cha ŋi ti tun titunwanbir na, ni useeraadaan u geei inyamɔn ki ki gir geei na, ni unii u fikr tibɔr jɔtiib aakaasisik ni na.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Aisaya 3:16

Le Uwumbɔr bui ke, “Lik Jerusalem aapiib aah kpa kigaak pu na. Bi chuun le bimɔfal ŋui paacham ke ibɔ na. N‑yoonn mɔmɔk bi chuun gɔr kidagook la. Bi tai dim dim, le ŋibɔlun ŋi gbin bitaagbin na weeni kiliŋ kiliŋ.

Tibɔnyaan ti Luk ŋmee ti na 11:34

Aanimbil ye saawon aakaryaa la. Aanimbil yaa woln ke aa dii Uwumbɔr aasan kan, saabimbin mɔmɔk gbii nwiihn la. Aanimbil yaa kaa woln kan, saabimbin gbii mbɔmbɔɔn la.

Tibɔnyaan ti Luk ŋmee ti na 18:14

M tuk nimi la, Uwumbɔr len ke ulampoogaar ngbaan aabɔr le ŋan, waa len ke Farisii aanii ngbaan aabɔr ŋan; ba pu? unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Rom Yaab 14:23

Unii u ji tijikaar, kaa pak ke ti ŋan na, waabɔr bii la; ba pu? waa ŋa naadii ke ni ŋan. Unii yaa kaa pak ke tiwan ŋan, ki ŋa ni kan, ni ye titunwanbir la.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”