Ŋiyataŋak 21:21 - Uwumbɔr aagbaŋ

²¹ Li kpa tiŋann ni tibulchinn, ki li kpa limɔfal li fɔk na; biken ga li pak si ki ŋani si tiŋann.

Ŋiyataŋak 21:21 ပူးပေါင်းရင်းမြစ်များ

Ilahn 112:4

Bininyaam yaa bi mbɔmbɔɔn ni kan, ni ye nwiihn ŋmeen la; ni ye nwiihn ki tii binib bi san kinimbaak, ki kpa tiŋann, ki si chob na.

Ŋiyataŋak 10:16

Tiŋann aanyoor le ye limɔfal, le titunwanbir moo tii titunwanbir.

Ŋiyataŋak 11:19

Unii umɔk aanimbil man ke u ŋa tiwan ni ŋan na ga li kpa limɔfal, tɔ, unii umɔk aanimbil man ke u tun titunwanbir na ga kpo.

Ŋiyataŋak 15:9

Uwumbɔr aa gee titunwanbirdam aabimbin, le ki gee binib bi ŋani tiwan ni ŋan na aabimbin.

Ŋiyataŋak 22:4

Li san Uwumbɔr ijawaan ki pak u, ki sunn aabaa taab, le ki kan liwangol, ni kipak, ni limɔfal li fɔk na.

Ŋiyataŋak 3:22

Ni ga tii si limɔfal li ye mmɔɔn, ni mpopiin aamɔfal na.

Aisaya 51:1

Uwumbɔr bui ke, “Li pel man, nimi bi ban ke ni ŋmar na, nimi bi choo m chee ki ban nterm na, li pel man. Dakl ki lik man litakpal li ponn ni ni nyan ni na, nin chee m nan gbii nyan nimi na.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Matiu 5:6

Binib bi aanimbil man ke bi li ye bininyaam na, Uwumbɔr aanyoor bi bi pu. Binimbil ga gbiin.

Rom Yaab 14:19

Nima pu na, ni li pɔɔni nibaa aan ki li kpaan kimɔbaan, aan ki ter tɔb ke ni dii Uwumbɔr aasan mbamɔm.

1 Korenti 15:58

Nnaabigeehm, nima pu na, n‑yoonn mɔmɔk ni li tun Tidindaan aatuln sakpen, ki taa cha nibaa leŋ nimi. Ni li bi li ni; ba pu? ni nyi ke ni yaa tun lituln tii Tidindaan kan, naa tun fam.

Filipi 3:12

Maa len ke m fuu Yesu aah ban pu na, kaa len ke m ye unii u ŋan ti doo na. M pɔɔni mbaa ke m li bi Yesu Kristo aah ban ke m li bi pu na; ba pu? u gaa mi ki ŋa mi waanii la.

1 Tesalonika 5:21

Ni li lik tibɔr mɔmɔk aah bi pu na, ke ti ŋan aan taa ŋan, ki li joo ti ŋan na mbamɔm.

1 Timoti 6:11

Saah ye Uwumbɔr aanii na, yii titunwanbir timina mɔmɔk, ki li dii mbimbinyaan, ki li bi Uwumbɔr aah ban pu na, ki li tun waatuln mbamɔm, ki li kpa ngeehm, ni suklaa, ki li bi suuna.

2 Timoti 2:22

Chuu aabaa ki taa dii tiwan ni kaa ŋan na aakpeek ke binachipɔm aah dii pu na. Tun lituln li ŋan na, ki tii Tidindaan naadii mbamɔm, ki li kpa ngeehm, ni nsuudoon. Kpaan binib bi mu bi kina ki joo bisui mɔmɔk mee Tidindaan na chee.

Hiibru Yaab 12:14

Ni mɔmɔk pɔɔ nibaa ki li kpa kimɔbaan man, ki li bi chain. Unii umɔk kaa ye chain na aan kan Tidindaan.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.