Ŋiyataŋak 21:2 - Uwumbɔr aagbaŋ

² Teer ke Uwumbɔr lik ki nyi saabimbin mɔmɔk, kina pu na, taa dak ke saah ŋani tiwan nimɔk na ŋan la.

Ŋiyataŋak 21:2 ပူးပေါင်းရင်းမြစ်များ

Job Aagbaŋ 31:6

Cha Uwumbɔr ŋaŋ mi tiwaŋaŋkaan bamɔnn ni, ki kan maah kaa tun taani pu na.

Ilahn 36:2

U dak ke waah nyuun sakpen pu na, Uwumbɔr aan ŋmaa kan waatunwanbir ki bui ke taa ŋan.

Ŋiyataŋak 12:15

Bijɔrb dak n‑yoonn mɔmɔk ke bi kpa mbamɔn la. Bilandam ma pel nsurm la.

Ŋiyataŋak 16:2

Unibɔn ma dak ke waabimbin mɔmɔk ŋan la, Uwumbɔr baanja mu le nyi unibɔn aabimbin aah bi pu na.

Ŋiyataŋak 16:25

Saah dak ke nsan mu ŋan na ga ŋmaa di si buen nkun ni.

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Ŋiyataŋak 20:6

Unii mɔmɔk len waah si chob ki ŋani tiwan mɔmɔk aah mɔk pu na la, tɔ, saan ŋmaa kan kina aanii.

Ŋiyataŋak 24:12

Nibaakan aa ga bui ke naa ye saabɔr, le Uwumbɔr ma nyi ki lik saabimbin. U lik saabimbin, ki nyi ni mɔmɔk. Le u ga pa si saatuln aah ŋeer pu na.

Ŋiyataŋak 30:12

Binib bibaa bi, ki dak ke baabimbin ŋan la, le ki tee kpa tijɔŋ sakpen.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Daniel 5:27

ŋŋaŋ, u ŋaŋ saah nyuun pu na ki kan ke saa nyuun kpala;

Tibɔnyaan ti Luk ŋmee ti na 16:15

Le u bui bi, “Nimi le ban ke binib li dak ke ni ye bininyaam. Uwumbɔr le nyi nisui ni aah bi pu na. Binib aah nyuŋni tiwan ni na ye fam le Uwumbɔr chee.

Galantiya 6:3

Unii u kaa bi tibɔr tibaa ni na yaa dak ke u ye uninyuun kan, u ŋmanni ubaa la.

Jemisi 1:22

Ni li ŋani waamɔboln aah len pu na. Ni yaa pel, ki yaa kaa ŋani kan, ni ŋmanni nibaa la.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

1 Samuel 16:7

Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”