Ŋiyataŋak 21:10 - Uwumbɔr aagbaŋ

¹⁰ Bibiindam aajikaar le ye titunwanbir, baa san ubaa kinimbaak.

Ŋiyataŋak 21:10 ပူးပေါင်းရင်းမြစ်များ

Ilahn 112:5

Unii u pinn biken tiwan, kaa san ijawaan, kaa kpa beebee waatuln ni na kpa mpopiin.

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Ilahn 36:4

U yaa dɔ kan, u dak ilandak i kaa ŋan na la; waatun mɔmɔk aa ŋan, le kaa yiil titunwanbir aatuln.

Ŋiyataŋak 12:12

Bibiindam aah ban tiwan ni ke bi ŋa na, le ye ke bi kan titunwanbir aatuln ki tun, le binib bi aabimbin ŋan na ma si chob.

Ŋiyataŋak 14:21

Aa yaa ban mpopiin kan, li ŋani bigiim tiŋann; aa yaa lik seen ubaa kan, ni ye titunwanbir la.

Ŋiyataŋak 2:14

ki ye binib bi kani mmɔɔn, baatunwanbir, ni kijɔrk aatunwanbir pu,

Ŋiyataŋak 21:13

Aa yaa yii saan ŋun ugiin aah wii pu na kan, buyoonn aa mu nan bi wii ki ban nterm na, ubaa aan ŋun.

Ŋiyataŋak 21:9

Aa yaa nyan ti dɔ kikaafiik ni kan, ni ŋan jer ke aa ni upii u kpa bumɔb sakpen na li kpaan koo lidichal libaa ni.

Ŋiyataŋak 3:29

Taa gor tiwan ni ga bii aaŋeen aatɔ u koo gbɔk si ki kpa aa pu limakl na.

1 Korenti 10:6

Tibɔr timina ye nsurm le ki tii timi, ke ti taa ban tiwan ni kaa ŋan na, ke baah nan ban pu na.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.