Ŋiyataŋak 21:1 - Uwumbɔr aagbaŋ

¹ Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Ŋiyataŋak 21:1 ပူးပေါင်းရင်းမြစ်များ

2 Bibɔrb 19:33

Waah dii nsan mu ki dan na, muma le u ga ki gir dii, kaan koo ni kitiŋ kimina ni. Min Uwumbɔr le len kina.

Esra 1:1

Sairus aah nan ye Pesia aabɔr pu na aajan aabiln ni, le Uwumbɔr nan cha waah nan di waabɔnabr Jeremia len pu na gbiin. U nan cha Sairus siin nkaal mumina, ki cha bi ŋmee mu ki di tun waanaan mɔmɔk ni ke:

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Esra 6:22

Bi nan di mpopiin jin Boroboro u kaa kpa boroboro aanyɔk na Aajim ki ti saa iwiin ilole. Uwumbɔr aah nan cha Asiria aabɔrkpaan san bi kinimbaak ki ter bi, bi maa bima Israel yaab Aawumbɔr Aadichal na pu, le bi nan kpa mpopiin pam.

Nehemia 1:11

Li pel maameel, ni saanaagbiib bimɔk ban ke bi nyuŋ si na mu aameen. Tii mi maah ban pu na din wee ki cha ubɔrkpaan ngbaan san mi kinimbaak.” N‑yoonn ngbaan, min le nan ye ubɔrkpaan ngbaan aadaan aaninkpel.

Nehemia 2:4

Le ubɔrkpaan ngbaan ki baa mi ke, “Ni ye ba le aa ban?” Le m mee Uwumbɔr u bi Paacham na,

Nehemia 2:8

M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Esta 2:17

Ubɔrkpaan nan gee u ki jer bisapɔm biken na mɔmɔk; le u nan kan ubɔr chee ngeehm ki jer biken na. U nan di kibɔryikpupuk chiŋ u ki ŋa u ubɔrpii, Fasti aajal pu.

Ilahn 105:25

U nan cha Ijipt yaab nann waanib ki ŋmanni bi.

Ilahn 106:46

U nan cha binib bimɔk muk bi na san bi kinimbaak.

Ilahn 114:3

Nnyusakpem Mamam nan lik le ki san; le Jɔɔdann Aamɔɔl sil kaa ki puu.

Ilahn 114:5

Nnyunsakpem, ba nan ŋa aan aa san? Jɔɔdann aamɔɔl, ba nan ŋa aan aa sil kaa ki puu?

Ilahn 74:15

Aa cha uyayak aanyunbun puu; aa cha ŋimɔɔ ŋi wiir na foor ki kuur.

Ilahn 93:4

Uwumbɔr lik paacham aawan mɔmɔk ki joo ni, u pɔɔ jer nnyusakpem aah ŋuuni pu na, ki pɔɔ jer nnyusakpem aanyunkpenn.

Nnyam 7:3

M ga cha ubɔr ngbaan pɔɔk usui, kaan ŋun tii si; m yaa gee m ŋa ijawaan aatun pu na kan, waan cha ni nya Ijipt aatiŋ ni.

Ŋiyataŋak 16:1

Unibɔn aalandak nyani usui ni la, le yaadoon tee bi Uwumbɔr chee.

Ŋiyataŋak 16:9

Unibɔn ga ŋmaa ŋa waalandak usui ni, Uwumbɔr mu le ga tee mɔk u waah ga ŋa pu na.

Ŋiyataŋak 20:24

Uwumbɔr le siin ti mɔmɔk aah ga kan pu na; kina pu na, unii ga ŋa kinye ki bee waamɔfal aah ga ti doo pu na?

Aisaya 43:19

Li lik ban man tiwapɔnn ni m laa ban m ŋa na. Ni piin ki bi ŋani, ni ga ŋmaa kan ni dandana. M ga naan nsan nteersakpiin ni, ki tii nimi ibun i kpa nnyun na nima.

Aisaya 44:27

Maamɔb aamɔboln le m ga di foor nnyusakpem.

Jeremia 39:12

“Li cha ki ti ban kan Jeremia ki li joo u mbamɔm. Taa tii u titotonn tibaa, ki tee ŋa waah ban pu na mɔmɔk.”

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.

Tibɔkpiirkaan 16:12

Le Uwumbɔr aatuun loloob mu di falaa u bi waasambil ni na kpir limɔɔsakpeln li bi yin li ke Yufrates na ni. Le laanyun foor, ki ŋa nsan ki tii bibɔrb bi nyan ni liwipuul wɔb na.

Tibɔkpiirkaan 16:4

Le Uwumbɔr aatuun tatar mu di falaa u bi waasambil ni na kpir ŋimɔɔ ni, ni inyunbun ni. Le nnyun ngbaan kpaln nsin.