Ŋiyataŋak 20:7 - Uwumbɔr aagbaŋ

⁷ Mbim yaa kpa te u aabimbin ŋan aan u ŋani tiwan ni ŋan na kan, bi kpa liyinyaan.

Ŋiyataŋak 20:7 ပူးပေါင်းရင်းမြစ်များ

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Ilahn 112:2

Uninyaan aabim ga li kpa mpɔɔn kitiŋ pu; uyaabitiib ga kan tinyoor.

Ilahn 15:2

Unii u keei Uwumbɔr aamɔb tiwan mɔmɔk ni, ki ŋani ni ŋan na n‑yoonn mɔmɔk, aan waamɔliin ye ibamɔn ki gbii na,

Ilahn 26:1

Uwumbɔr, cha unii mɔk bee ke maatunyaan pu maa kpa taani, le ki kpa gaakii aa pu.

Ilahn 26:11

Mma kan, m ŋani ni ŋan na la; san mi kinimbaak ki gaa mi lii.

Ilahn 37:26

N‑yoonn mɔmɔk kan, bi tii la, le ki pinni tii binib biken kaa gaal nibaa, le baabim mu ye bi tinyoor.

Ŋiyataŋak 13:22

Uninyaan ga li kpa liwangol li uyaabitiib ga nan kan na, le binib bi aabimbin ŋan na ga nan gaa titunwanbirdam aawangol.

Ŋiyataŋak 14:2

Cha saabimbin li ŋan ki mɔk ke aa san Uwumbɔr ijawaan; li ye ubeebeedaan ki mɔk ke saa san u.

Ŋiyataŋak 14:26

Unii u san Uwumbɔr ki pak u na ban ŋŋmarm ni lifuur le tii u ni waadichal.

Ŋiyataŋak 19:1

Aa yaa ye ugiin ki bi chob saabimbin ni kan, ni soor ni ke aa li ye ujɔr ni unyamɔndaan.

Aisaya 33:15

Ni yaa len ki ŋani ni ŋan na kan, ni ga ŋmar. Taa di man nimi aapɔɔn di ji bigiim, ki taa gaa igaŋgaŋlik. Ni taa kpaani binib bi kpokl ke bi ku unii, bee binib bi tun titunwanbir na chee.

Jeremia 32:39

M ga tii bi lituln libaa baanja le baamɔfal ni. Nima le ga li ye ke bi li nyuŋni mi n‑yoonn mɔmɔk, bima bibaa ni biyaabitiib aamɔfal pu.

Tibɔnyaan ti Luk ŋmee ti na 1:6

Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

Lituln 2:39

Tidindaan Uwumbɔr nan puu tipuur ke u ga di Waafuur Nyaan tii nimi, ni nimi aabim, ni binib bi bi ni daa na: u ga tii binib bi u ga yin bi na mɔmɔk.”

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.