Ŋiyataŋak 20:19 - Uwumbɔr aagbaŋ

¹⁹ Ubɔmbɔtukr aan ŋmaa joo tibɔbɔrkaan. Taa duuni binib bi gbaa tibɔr sakpen na chee.

Ŋiyataŋak 20:19 ပူးပေါင်းရင်းမြစ်များ

Ilahn 101:5

M ga jenn nyan unii umɔk looni len titunwanbir uŋeen aatɔ pu na; maan kii tii unii u kpa kigaak ni inimpoo na.

Ŋiyataŋak 11:13

Ubaa aan di tibɔbɔrkaan tuk ubɔmbɔtukr, tɔ, aa ga ŋmaa mak unii u ŋmaa joo tibɔbɔrkaan na pu.

Ŋiyataŋak 13:3

Chuu aabaa saamɔliin chee ki li kpa limɔfal. Unii u len tibɔr yɔl yɔl na junni waamɔfal la.

Ŋiyataŋak 16:29

Binib bi aabimbin pɔɔ na ŋmanni bijɔtiib le ki joo bi kooni tibɔbir ni.

Ŋiyataŋak 18:8

Libɔmbɔtukl mɔ sakpen, ti neen sakpen ke ti pel li.

Ŋiyataŋak 24:21

Maabo, li san Uwumbɔr ijawaan ki pak u, ki li pak saabɔrkpaan. Taa dii binib bi yii baamɔi na aabɔr;

Liifai Yaab 19:16

Ni taa li geei inyamɔn paani unii ubaa. Bi yaa bi ji unii ubaa aabɔr aan u ban u nyan nkun ni, aan aa nyi ke u kpa mbamɔn kan, ter u ki gaa u lii. Min le ye Uwumbɔr.

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.