Ŋiyataŋak 20:11 - Uwumbɔr aagbaŋ

¹¹ Hali ubo aatuln le mɔk waah ye unii u na; nima chee le aa ga ŋmaa bee ke u bi chob ki ŋan aan waa bi kina.

Ŋiyataŋak 20:11 ပူးပေါင်းရင်းမြစ်များ

2 Bibɔrb Aabɔr 34:3

Josia aah nan jin nnaan ki ti saa ŋibin ŋiniin, aan ki laa beenin ye unachipɔnbo na, le u piin ki dooni uyaaja Ubɔr David Aawumbɔr. Ki nyan n‑yoonn ngbaan ki ti saa ŋibin ŋinaa aapuwɔb, le u piin ki ber tiwaadir, ni liwaapii Asera aanaŋ, ni ŋiwaa ŋi mɔmɔk gur na.

Ilahn 51:5

N‑yoonn mu bi ma mi na, le m kpa titunwanbir, ki nyan nwiin mundaal bi ma mi na, le m ye titunwanbirdaan.

Ilahn 58:3

Titunwanbirdam tun tiwan ni kaa ŋan na le baamɔfal aayoonn mɔmɔk; bundaal bi ma bi na le bi piin ki geei inyamɔn.

Ŋiyataŋak 20:12

Uwumbɔr tii timi ŋinimbil ke ti li joo lik, le ki tii timi ŋitafal ke ti li joo ŋun.

Ŋiyataŋak 21:8

Binib bi aabɔr aa ŋan na chuun nsan mu kaa tok na ni la; le binib bi aabɔr ŋan na ma ŋani ni ŋan na.

Ŋiyataŋak 22:15

Mbim ma po ŋani kijɔrk, ni tiwan ni kaa ŋan na, le aa yaa tii bi kiŋaataŋ kibaa kan, bi ga kpeln baabimbin.

Matiu 7:16

Baatuln pu le ga cha ni bee bi. Bukokom ga ŋmaa lu nkakan aa? Ichakpeejagar ga ŋmaa lu saasaa aa?

Tibɔnyaan ti Luk ŋmee ti na 1:15

U ga li ye uninyuun Uwumbɔr chee. Waan nyu ŋisubil aadaan, ki mu aan nyu ndaan mubaa. U ga li gbii Uwumbɔr Aafuur Nyaan buyoonn bi ga maa u na, ki li joo cha.

Tibɔnyaan ti Luk ŋmee ti na 1:66

Ni nan ŋa binib bimɔk ŋun ti na ilandak. Le bi baa ke, “Ubo ngbaan ga li ye ba aanibol?” Ba pu? Uwumbɔr aaŋaal nan bi u pu.