Ŋiyataŋak 19:20 - Uwumbɔr aagbaŋ

²⁰ Aa yaa ŋun tii nsurm ki ban ke aa bae kan, aa ga nan ŋa nlan daalbaadaal.

Ŋiyataŋak 19:20 ပူးပေါင်းရင်းမြစ်များ

Ilahn 37:37

Lik bee uninyaan, lik unii u ŋan na mbamɔm unii u kpa nsuudoon na kpa yaabitiib la,

Ilahn 90:12

Mɔk timi, timi aamɔfal aafɔfɔk aah ye pu na, aan ti ŋa nlan.

Ilahn 90:14

Kichakpiik mɔk ni kan, di saageehm mu bi n‑yoonn mɔmɔk na gbiin timi, aan ti gaa ilahn ki li kpa mpopiin ki ti saa timi aamɔfal aadoon.

Ŋiyataŋak 1:2

Ŋiyataŋak ŋimina le ga cha aa bee nlan ni nsurm mu ŋan na, ki bee imɔliin i kpa tataa na.

Ŋiyataŋak 1:3

Ŋi ga mɔk si saah ga ŋa pu ki li bi mbimbin mu ŋan, ki tok, ki bi chob na ni.

Ŋiyataŋak 1:8

Maabo, li pel aate ni aana aah tuk si pu na.

Ŋiyataŋak 12:15

Bijɔrb dak n‑yoonn mɔmɔk ke bi kpa mbamɔn la. Bilandam ma pel nsurm la.

Ŋiyataŋak 13:10

Kigaak joo ni kijaak baanja la. Aa yaa ban nsurm kan, ni soor.

Ŋiyataŋak 15:32

Unii umɔk yii nsurm na, aa gee ubaa. Aa yaa kpa ŋuntii nsurm chee kan, aa ga moo kan nlan.

Ŋiyataŋak 19:19

Unii aasui yaa pɔɔ kan, cha u kan kina aapar. Aa yaa nyan u tibɔr ni nfum mubaa kan, aa ga ki gir nyan u lelee.

Ŋiyataŋak 4:1

Maabim, li ŋun tiwan ni mɔmɔk nite mɔk nimi na. Pel mbamɔm, ki li kpa nlan man.

Ŋiyataŋak 8:14

M ŋani laasaab waahr le ki tun maatuln. M kpa ichiin, le ki pɔɔ.

Ŋiyataŋak 8:33

Li pel baah mɔk nimi tiwan ni na man. Li kpa nlan man, ki taa lik mu fam kpala.

Jeremia 6:8

Jerusalem aanib, cha tibɔbir timina li ye nsurm ki tii nimi, naa ye kina kan, m ga di nimi lii, m ga cha nimi aatiŋ kpaln nteersakpiin, nin chee ubaa aa koo na.”

Sefania 3:7

N‑yoonn ngbaan le m nan dak ke maanib ga san mi ki kii maasurm, aan baatiŋ taa kuln, aan maatafadaan mɔmɔk taa dan bi pu. Tɔ, bi nan beenin neen ke bi li tun beebee aatun baatuln mɔmɔk ni.”

Nkahm 23:10

Israel yaab ngbaan wiir pam, le unii aan ŋmaa kahn bi. Uwumbɔr cha m kpo ke waanib aah ga kpo pu na. U cha m kpo nsuudoon ni, ke waaninyaam na.”

Ikaal 32:29

Baa bee tiwan ni bi ŋa aan baadim nyaŋ bi na, kaa bee tiwan ni pii bi na aatataa.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.