Ŋiyataŋak 19:17 - Uwumbɔr aagbaŋ

¹⁷ Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.

Ŋiyataŋak 19:17 ပူးပေါင်းရင်းမြစ်များ

2 Samuel 12:6

Waah ŋa titunwanbir ti na pu, u ga pa waah gaa pu na nfum munaa.”

Ilahn 41:2

Uwumbɔr ga li kii bi le ki bɔr baamɔfal mbamɔm. U ga cha bi li kpa mpopiin kitiŋ kee pu; waan cha baadim aapɔɔn pii bi.

Ilahn 72:13

U san bigiim ni binib bi kaa kpa mpɔɔn na kinimbaak; u gaal binib bi kaa kpa na aamɔfal lir.

Ŋiyataŋak 12:14

Saamɔliin ni saatuln le ga tii si saapar, nima le ga tii si tiwan ni ŋeer si na.

Ŋiyataŋak 14:21

Aa yaa ban mpopiin kan, li ŋani bigiim tiŋann; aa yaa lik seen ubaa kan, ni ye titunwanbir la.

Ŋiyataŋak 14:31

Aa yaa muk bigiim kan, aa seei Uwumbɔr u naan bi na la; aa yaa ŋa ugiin tiŋann kan, aa nyuŋni Uwumbɔr la.

Ŋiyataŋak 22:9

Li ye ubulchinn daan ki yakr saajikaar tii bigiim. Aa ga kan tinyoor ni pu.

Ŋiyataŋak 28:27

Aa yaa tii bigiim kan, saan lann nibaa. Aa yaa kan bigiim ki ŋum aanimbil kan, binib pam le ga puun lii aa pu.

Ŋiyataŋak 28:8

Aa yaa ji binib pem pem ki kan liwangol kan, unii u san bigiim kinimbaak na le ga nan ji saawangol ngbaan.

Ulandaan 11:1

Li ŋani tiŋann saasachun mɔmɔk ni, le saaŋann ngbaan ga nan gir ni aa chee n‑yoonn mubaa.

Ulandaan 11:2

Taa joo saawangol tii lipepel libaa baanja, li tii ŋipepel mɔmɔk, ba pu? saa nyi kinimbɔŋ ki aa ga kan dulnyaa wee ni na.

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Tibɔnyaan ti Luk ŋmee ti na 6:38

Tiin binib man, le Uwumbɔr mu ga tii nimi. U ga tii nimi sakpen. Mbamɔn, u ga lee gbiin nimi lisambil, le ki yek yek, ki ki lee kpee, le ki nyii nyii ki moo lee kpee aan li ti bar kpir, aan ki di tii nimi. Naah tii binib pu na, Uwumbɔr mu ga giin kina le ki tii nimi.”

Ikaal 24:19

“Ni yaa chee nimi aajikaar ki yoor ti kun, aan ki suln ngem bɔr kisaak ni kan, ni taa ki gir ti yoor ti gur na; biwɔwɔm, ni nkpobim, ni bikpopiib le yeh tima ngbaan; nima kan, Nidindaan Uwumbɔr ga ŋa tinyoor ŋa nimi aatuln mɔmɔk pu.

Filipi 4:17

Naa ye ke m ban ipiin la. Naah tii mi ipiin pu na, nima le ni ga li moo kpa tinyoor. Nima le m ban.

Hiibru Yaab 6:10

Uwumbɔr ŋan la. Waan suln naah tun lituln pu ki ter waanib, ki beenin ter bi na, ki mɔk u naah gee u pu na bɔr.