Ŋiyataŋak 19:16 - Uwumbɔr aagbaŋ

¹⁶ Li joo Uwumbɔr aakaal ki li kpa limɔfafɔfɔŋ; aatafal yaa kaa bi i ni kan, aa ga kpo.

Ŋiyataŋak 19:16 ပူးပေါင်းရင်းမြစ်များ

Job Aagbaŋ 5:2

Aa yaa ka dak ke ubaa aatafal aa bi aa ni ki ti kpo kan, ni ye kijɔrk, ni maa‑kpa‑lan aawan le ke unii ŋa.

Ilahn 103:18

le waaŋann aa kpa ndoon binib bi tii waah puu tipuur ti na naadii ki joo waakaal mbamɔm na chee.

Ŋiyataŋak 13:13

Aa yaa yii nsurnyaan kan, aa bi ban tibɔr la; gaa mu aan ki li kpa limɔfal.

Ŋiyataŋak 15:32

Unii umɔk yii nsurm na, aa gee ubaa. Aa yaa kpa ŋuntii nsurm chee kan, aa ga moo kan nlan.

Ŋiyataŋak 16:17

Binib bi aabimbin ŋan na chuun isan i kaa kpa titunwanbir na pu la; kina pu na, li nyi saah chuun nin chee na, nibaakan, ni ga ŋmaa gaa saamɔfal lii.

Ŋiyataŋak 21:16

Unii umɔk yenn nyan nlan chee na, nkun dɔ kii udaan ngbaan.

Ŋiyataŋak 21:23

Aa yaa kaa ban aa koo tibɔr ni kan, li nyi saabɔlen.

Ŋiyataŋak 22:5

Aa yaa gee saamɔfal kan, taa koo gaawɔb tiib bi chur bibiindam isan ni na ni.

Ŋiyataŋak 29:18

Litimbol li kaa kpa Uwumbɔr aasurm na aa bi mbamɔm. Unii u joo Uwumbɔr aakaal na le kpa mpopiin.

Ŋiyataŋak 3:1

Maabo, taa suln maah tuk si pu na. Li teer maah tuk si ke aa ŋa pu na n‑yoonn mɔmɔk.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Ulandaan 8:5

Aa yaa keei waamɔb n‑yoonn mɔmɔk kan, saan li bi tibɔbir ni. Ulandaan nyi ke libɔjil aayoonn le bi.

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Esekiel 33:5

Uma le ku ubaa; ba pu? u ŋun nkuun pu le kaa gar. U yaa ba gar kan, u ba ga san ŋmar.

Matiu 16:26

Unii yaa kan dulnyaa wee ni aawan mɔmɔk ki lann waamɔfal kan, ba aanyoor le u kan? Unii tee ga di ba ki daa waamɔfal?

Tibɔnyaan ti Luk ŋmee ti na 10:28

Le Yesu bui u, “Aa len mbamɔn la. Li ŋani kina, le aa ga kan limɔfal.”

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Jɔnn 14:15

“Ni yaa gee mi kan, ni ga kii maamɔb,

1 Korenti 7:19

Lichakpangeel aa kpa tinyoor. Unii yaa kaa gii kan, ni mu aa kpa tinyoor. Ti yaa kii Uwumbɔr aamɔb kan, nima le kpa tinyoor.

1 Jɔnn 3:22

Ti kii waamɔb la, ki ŋani tiwan ni piir usui na. Nima pu, taah mee u tiwan ni na, u tii timi.

1 Jɔnn 5:3

Ti yaa gee Uwumbɔr kan, naatataa le ye ke ti kii waamɔb. Le waamɔb aa pɔɔ.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.