Ŋiyataŋak 19:14 - Uwumbɔr aagbaŋ

¹⁴ Uja ga ŋmaa ji ute aadichal ni ŋimombil aafaal; Uwumbɔr baanja le ga ŋmaa tii u upiilandaan.

Ŋiyataŋak 19:14 ပူးပေါင်းရင်းမြစ်များ

Mpiin 24:44

U yaa kii, ki mu yaa bui ke u ga tii maalaakumii tiib mu nnyun kan, nima le ga cha m bee ke uma le aa nyan tii maaninkpel aajapɔɔn.’

Mpiin 24:7

Uwumbɔr u ye paacham aadindaan na, uma le nyan ni mi nte do, ni ndo yaab aatiŋ ni, le ki puu ke u ga di kitiŋ kimina tii m ni n‑yaabitiib. Uma le ga cha waatuun loln aa pu nsan, nima kan, aa ga ti kan upii ki nan tii njapɔɔn.

Ŋiyataŋak 13:22

Uninyaan ga li kpa liwangol li uyaabitiib ga nan kan na, le binib bi aabimbin ŋan na ga nan gaa titunwanbirdam aawangol.

Ŋiyataŋak 18:22

Kan upii ki bee ke aa kan tiwanyaan la; ni mɔk ke Uwumbɔr gee si la.

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

2 Korenti 12:14

Tɔ, dandana wee, m gor ke m dan ni chee taataa. Maan li ban nibaa ni chee. M ban nimi la, naa ye nimi aamombil. Mbim aa kpiini tetiib, tetiib le kpiini mbim. Ni bi ke maabim na la.

Ikaal 21:16

uja ngbaan yaa ban u yakr waawan tii mbim ngbaan mɔmɔk kan, u taa li kpa imaagann ki di njan aabo aawan tii upuu u u gee sakpen na aabo.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

Josua 11:23

Josua nan nyaŋ kitiŋ ngbaan mɔmɔk, Uwumbɔr aah nan bui Moses ke u ŋa pu na. Le Josua nan di kitiŋ ngbaan mɔmɔk tii Israel yaab, ki li ye biyaan; u nan yakr ki tii Israel yaab aanibol ngbaan. Le Israel yaab kan lifuur, kaa ki to butɔb.