Ŋiyataŋak 18:5 - Uwumbɔr aagbaŋ

⁵ Naa ŋan ke aa kpee unii u jin libɔkpol na pu, ki cha unii u aabɔr ŋan na lann waabamɔn.

Ŋiyataŋak 18:5 ပူးပေါင်းရင်းမြစ်များ

Job Aagbaŋ 34:19

Waa len tibɔr kpae bijojoob pu kaa ter uwankpadaan ki cha ugiin, ba pu? uma le naan unii mɔmɔk.

Ilahn 82:2

“Di cha nimi aabamɔn gangal ngbaan aabɔjil; taa ki joo ibamɔn tii bibiindam man.

Nnyam 23:2

Ni taa kpaan kinipaak chee n‑yoonn mu bi ti ŋa mbiin na, ki taa kpaan bi chee ki kii inyamɔn aaseeraa.

Nnyam 23:3

Ni yaa ji ugiin tibɔr kan, ni tii taa li kpa imaagann.

Nnyam 23:6

“Ugiin yaa kpa tibɔr, ni ban ni ji waabɔr kan, ni taa biin waabamɔn pu.

Ŋiyataŋak 17:15

Tiwan nilee nee mɔmɔk bir Uwumbɔr chee la: nima le ye ke aa bii unii u kaa kpa taani na, bee aa tii ubiindaan mbamɔn.

Ŋiyataŋak 17:26

Naa ŋan ke aa cha unii u kaa kpa taani na pa libɔkpol aapɔln; aa yaa daa uninyaan aatafal kan, aa yii ibamɔn le na.

Ŋiyataŋak 24:23

Bilandam le ki len tibɔr timina mu: Naa ŋan ke ubɔjir li kpa imaagann.

Ŋiyataŋak 28:21

Njinjin aa ŋan; le bibɔjirb bibaa ma pɔɔni bibaa ki gaal igaŋgaŋlik.

Ŋiyataŋak 31:5

Bi yaa nyu ndaan kan, bi suln ikaal la, le ki yii binib bi bi limukl ni na, kaa tii bi baabamɔn.

Aisaya 5:23

Le buyoonn ni yaa kan igaŋgaŋlik na, ni di binib bi aabɔr aa ŋan na di lii, le kaa tii binib bi aabɔr ŋan na baabamɔn.

Aisaya 59:14

Ibamɔn daa ti chee, kaan ŋmaa mar ni timi. Binib aah wiir nin chee na, mbamɔn gbeer la, kaan ŋmaa kan mpaan nima.

Liifai Yaab 19:15

“Ni yaa bi ji unii tibɔr kan, ni len ibamɔn ki li kpa kipak; ni yaa ji ugiin tibɔr kan, ni taa li kpa imaagann, ki mu taa li san biwankpadam ijawaan.

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Matiu 22:16

Le bi tun baadidiliib ni Ubɔr Herod aanib bibaa Yesu chee, le bi ti bui u, “Umɔmɔkr, ti bee ke aa len mbamɔn la, ki mɔk timi Uwumbɔr aasan mbamɔm, kaa san unii ubaa ijawaan, kaa pak ubaa ki jer uken.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.