Ŋiyataŋak 18:22 - Uwumbɔr aagbaŋ

²² Kan upii ki bee ke aa kan tiwanyaan la; ni mɔk ke Uwumbɔr gee si la.

Ŋiyataŋak 18:22 ပူးပေါင်းရင်းမြစ်များ

Mpiin 2:18

Tidindaan Uwumbɔr nan ki bui ke, “Naa ŋan ke uja li bi ubaa. M ga naan uŋeer u ga li ter u na ki tii u.”

Mpiin 24:67

Le Aisak di Rebeka di koon una Sara aadiik ni, le ki di u ŋa upuu. Aisak nan gee Rebeka pam, le usui nan sɔŋ ki cha u suln una aakun bɔr.

Mpiin 29:28

Jakob nan kii tii u, le likpaakool libaa ngbaan aah jer na, Labann nan di Rachel mu di tii u, le u di Rachel ŋa upuu.

Ŋiyataŋak 12:4

Upii u aabimbin ŋan na le ye uchal aamakl, ni mpopiin; le upii u jinni uchal inimɔɔn na bi ke mbuunkpok na le uchal aakpab ni.

Ŋiyataŋak 19:14

Uja ga ŋmaa ji ute aadichal ni ŋimombil aafaal; Uwumbɔr baanja le ga ŋmaa tii u upiilandaan.

Ŋiyataŋak 3:4

Aa yaa ŋani kina kan, Uwumbɔr ni binib mu aasui ga li piin aa pu.

Ŋiyataŋak 8:35

Unii u kan mi na kan limɔfal la, le Uwumbɔr ga li gee u.

Ulandaan 9:9

Cha aa ni upii u aa gee u na ji mmɔɔn saamɔfal li kaa kpa tinyoor tibaa aan Uwumbɔr di tii si dulnyaa wee ni na. Ji mmɔɔn nwiin mɔk, ba pu? saatotoŋ aanyoor le na.

Hosea 12:12

Tiyaaja Jakob nan san le ki buen Mesopotamia; nima chee, le u nan ti tun lituln tii uja uken ki kpaa waapiih, ke u tii u usapɔɔn.

1 Korenti 7:2

Tɔ, kidagook aatuln pu, ni ŋan ke uja mɔmɔk li kpa uma ubaa aapuu, upii mɔmɔk li kpa uma ubaa aachal.

Ruf Aagbaŋ 4:10

Ki kpee, Malonn aakpopii Ruf, u ye Moab aatiŋ aanii na mu kpaln mpuu la. Nimina le ga cha Elimelek u kaa ki bi na aawangol gaar waadichal ni, le waadichal aan ber udo yaab chee, ni waatiŋ ni. Nimi le ye biseeraadam din wee.”