Ŋiyataŋak 18:14 - Uwumbɔr aagbaŋ

¹⁴ Aa yaa bun ki kpa limakl ke aa ga pɔɔk kan, aa ga sil ŋmar, tɔ, aa yaa makr lii ke saan pɔɔk kan, ni doo aa pu le na.

Ŋiyataŋak 18:14 ပူးပေါင်းရင်းမြစ်များ

Job Aagbaŋ 6:4

Uwumbɔr Mpɔɔnsakpiindaan di ipiin too chaar mi, le yaaluul yaa koo nwon ni. Uwumbɔr lol waajawaan aawan kiir mi.

Ilahn 109:22

M ye ugiin le kaa kpa nibaa, maamuk ti dɔ nsui ni taab taab la.

Ilahn 147:3

U sɔŋni binib bi aasui bii na aasui, ki poo biini baabuun pu.

Ilahn 55:3

Ijawaan joo mi maadim aah faani mi pu na la, bibiindam aamuk ku mi a. Bi joo ni mi tibɔr la; baaŋuul fii m pu, le bi nan mi.

Ilahn 55:5

Ijawaan chuu mi, le nwon jii, ijawaan nyaŋ mi a.

Nnyam 6:9

Moses nan tuk Israel yaab Uwumbɔr aah len pu na, le baa nan ŋun tii u; ba pu? bisui nan bii pam, baah nan bi tinaagbiir ni aan Ijipt yaab ŋani bi mbiin pu na.

Ŋiyataŋak 15:13

Binib aasui yaa piin kan, bi laa ŋimɔmumuk la, le bisui yaa bii kan, bi kpa kinimbaak.

Ŋiyataŋak 17:22

Mpopiin tii si laafee la. Aa yaa kpa mpombiin n‑yoonn mɔmɔk kan, ni ye nkun mu kaan ku si mala na la.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

2 Korenti 2:7

Dandana ni ŋan ke ni di cha pinn u, ki sɔŋ usui, u taa li kpa mpombiin ki ti chaar jer.

Jemisi 1:2

Nnaabitiib, ni yaa kan ntɔŋ mɔmɔk aabɔŋ kan, ni cha ni mɔmɔk li ye mpopiin ni chee.

1 Piita 1:6

Nima le ni kpa mpopiin. Ni yaa po kpa mpombiin ni yunn siib dandana wee, falaa aabɔŋ ponn ni kan, ni li kpa mpopiin;