Ŋiyataŋak 18:10 - Uwumbɔr aagbaŋ

¹⁰ Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Ŋiyataŋak 18:10 ပူးပေါင်းရင်းမြစ်များ

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 32:11

M mee si ke aa gaa mi nkpel Esɔ chee lii. M san ijawaan ke nibaakan u ni waanib choo bi nan ku ti mɔmɔk, hali ki ku bipiib ni mbim mu la.

2 Samuel 22:2

Uwumbɔr le ye maakikiir; uma le ye maajawan aatiŋ ki pɔɔ na.

2 Samuel 22:3

Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi, le m bi ŋŋmarm ni. Uma le ye u gaal mi lir na, u kii mi, le tiwanbir aa piir mi.

2 Samuel 22:51

Uwumbɔr le tii mi, u ye ubɔr na, linyaŋ sakpeln ngbaan; waah lee mi na, u mɔk mi ngeehm n‑yoonn mɔmɔk la. U mɔk mi, David, ni n‑yaabitiib waageehm ki ti saa n‑yoonn mu kaa kpa ndoon na.

Ilahn 144:2

Uma le ye maakikiir, ki si mpuwɔb; uma le ye nin chee m bɔrni na, uma le gaal mi lir, u chee le m mak ke nibaa aan ŋa mi. U cha m ye ŋitimbol aayidaan.

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 20:2

U cha nterm nya ni waadichal ponn ni ki choo aa chee, ki cha nterm nya Sionn Aajool pu ki pii ni si.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 91:14

Uwumbɔr bui ke, “M ga gaa binib bi gee mi na lii, ki li kii binib bi nyi mi ke m ye Uwumbɔr na.

Ilahn 91:2

ga bui u ke, “Sin le kii mi ki joo mi. Sin le ye Maawumbɔr, sin pu le m mak.”

Nnyam 6:3

Min Uwumbɔr Mpɔɔnsakpiindaan nan dan Abraham, ni Aisak, ni Jakob chee, le maa nan cha bi bee maayimbil li ye M‑ye‑na.

Ŋiyataŋak 14:26

Unii u san Uwumbɔr ki pak u na ban ŋŋmarm ni lifuur le tii u ni waadichal.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Aisaya 26:4

Tiin man Uwumbɔr naadii n‑yoonn mɔmɔk; u ga li kii timi n‑yoonn mɔmɔk.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 23:6

U yaa nan ŋa ubɔr kan, Juda aanib ga kan lifuur, le Israel aanib kan nsuudoon. Bi ga li yin u ke ‘Uwumbɔr u gaal timi lir na’ la.”

Habakuk 3:19

Ndindaan Uwumbɔr le ye maapɔɔn; u ŋa maataafar ke upeeman aataabuseen na la, le ki kii mi ŋijoo paab.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Tibɔkpiirkaan 1:8

Tidindaan Uwumbɔr, u yeh mpɔɔn mɔmɔk, ki nan bi, ki beenin bi, ki ga li bi n‑yoonn mu kaa kpa ndoon na le len ke uma le ye Alfa ni Omega, mpiin ngbaan ni ndoon ngbaan.

1 Samuel 17:45

David nan kii u ke, “Aa joo kijaak aajuk, ni kikpaatuŋ, ni kijaangbeek le choo m chee; m ma kan, m choo aa chee Uwumbɔr Mpɔɔnsakpiindaan, u ye Israel aajab Aawumbɔr na aayimbil li aa sii na ni la.

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.