Ŋiyataŋak 17:9 - Uwumbɔr aagbaŋ

⁹ Aa yaa ban ke binib li neen si kan, di cha pinn bi buyoonn bi tun si taani na. Aa yaa teer taani bɔr kan, ni ga ŋmaa bii kijɔtiik.

Ŋiyataŋak 17:9 ပူးပေါင်းရင်းမြစ်များ

Ilahn 32:1

Binib bi Uwumbɔr di cha pinn baatunwanbir na le kpa mpopiin, Uwumbɔr aah di cha binib bi aataani pinn bi na le kpa mpopiin.

Ŋiyataŋak 10:12

Kinanaŋ ban tibɔr la, le ngeehm ma kuln taani mɔmɔk.

Ŋiyataŋak 16:28

Bibiindam le ye bibɔmbɔtukb; bi ban tibɔr, le ki bii kijɔtiik.

Ŋiyataŋak 17:10

Aa yaa sur ulandaan nfum mubaa kan, u bae mala ki jer saah ga gbaa ujɔr nfum nkub pu na.

1 Korenti 13:4

Unii u gee binib na, u kpa limɔr bi pu, ki kpa tibulchinn. Waa kpa lipiipoln, kaa kpa kipupuk, kaa kpa kalmbaani,

Jemisi 5:20

u bee ke unii u giin titunwanbirdaan waah yenn pu na, u nyan waamɔfal nkun ni la, ki cha Uwumbɔr di cha pinn titunwanbir pam.

1 Piita 4:8

Tiwan ni jer tiwan mɔmɔk na le ye ke ni li gee tɔb mbamɔm; ba pu? aa yaa gee unii kan, aa ga di cha pinn u titunwanbir pam.