Ŋiyataŋak 17:3 - Uwumbɔr aagbaŋ

³ Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Ŋiyataŋak 17:3 ပူးပေါင်းရင်းမြစ်များ

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

Job Aagbaŋ 23:10

Le Uwumbɔr tee nyi maah yoor litaal limɔk na; u yaa tɔŋ mi kan, u ga kan ke maa kpa tijɔŋ tibaa.

Job Aagbaŋ 28:1

Baah gbii tikunabr ibuu i ponn ni na bi; le baah toor nyani salmaa aajɔŋ nin chee na bi.

Ilahn 139:23

Uwumbɔr, ŋaŋ mi, ki li nyi nsui ni; tɔŋ mi, ki bee maalandak.

Ilahn 26:2

Uwumbɔr, tɔŋ mi ki lik mi mbamɔm; lik maah ban pu na, ni maalandak mbamɔm.

Ilahn 66:10

Uwumbɔr, aa tɔŋ timi; baah pu tikunabr mmii ni pu ki nyani tijɔŋ na, kina le aa tɔŋ timi.

Ŋiyataŋak 15:11

Hali kitekpiitiŋ aan ŋmaa di tiwan ni bi ki ponn ni na bɔr Uwumbɔr; kina pu na, unibɔn ga ŋa kinye aan ki di waalandak bɔr Uwumbɔr?

Ŋiyataŋak 16:2

Unibɔn ma dak ke waabimbin mɔmɔk ŋan la, Uwumbɔr baanja mu le nyi unibɔn aabimbin aah bi pu na.

Ŋiyataŋak 17:2

Unaagbiija u kpa nlan na ga gaa udindaan aajapɔɔn u kaa sɔ na chee ute aapɔɔn ki nan gaa waafaal ngem.

Ŋiyataŋak 21:2

Teer ke Uwumbɔr lik ki nyi saabimbin mɔmɔk, kina pu na, taa dak ke saah ŋani tiwan nimɔk na ŋan la.

Ŋiyataŋak 27:21

Mmii le bi joo tɔŋni salmaa ni tikunabr, kina le binib aah pak unii pu na le mɔk waabimbin aah bi pu na.

Aisaya 48:10

M tɔŋ nimi falaa aamii ni, ke baah pu tikunabr mmii ni pu na, le ki kan ke naa kpa tinyoor tibaa.

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Esekiel 22:18

“Unibɔn, Israel yaab ye m chee timoor la. Bi naahn tikur ti ye tikumann, ni tikupinn, ni tikur, ni tikur ti bi joo donni biini tiwan pu na yaa pun mmii ni kan, ti pɔkr lir mmii ni pu na la, ki naahn tikunabr aabil ŋi lir nchaamii ni na.

Daniel 11:35

Bi ga ku bilandam ngbaan bibaa, le kina ngbaan ga nyan binib ngbaan baajɔŋ ni. Nimina ga li ŋani kina ki ti saa ndoon, n‑yoonn mu Uwumbɔr siin na.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.