Ŋiyataŋak 17:23 - Uwumbɔr aagbaŋ

²³ Bibɔjirb bi kpa beebee na looni gaal igaŋgaŋlik la, kina pu na, mbamɔn aan ŋmaa ŋa.

Ŋiyataŋak 17:23 ပူးပေါင်းရင်းမြစ်များ

Nnyam 23:8

Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Ŋiyataŋak 17:8

Binib bibaa dak ke igaŋgaŋlik tun ke nnyɔk na la; bi kpa gaakii ke i ga ŋmaa ŋa tiwan mɔmɔk tii bi.

Ŋiyataŋak 18:16

Aa ban ke aa kan uninyuun aa? Tii u ipiin, le naan ki li pɔɔ.

Ŋiyataŋak 21:14

Ubaa yaa gee aa pu liŋuul, aan aa bɔr ki tii u ipiin kan, i ga sɔŋ waaŋuul.

Ulandaan 7:7

Unii u kpa nlan na yaa jin unii pem pem kan, u ŋani ke ujɔr na la. Aa yaa gaa igaŋgaŋlik kan, aa bii saabimbin le na.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 5:23

Le buyoonn ni yaa kan igaŋgaŋlik na, ni di binib bi aabɔr aa ŋan na di lii, le kaa tii binib bi aabɔr ŋan na baabamɔn.

Esekiel 22:12

Saanib bibaa ku binib le ki gaal tipar. Biken gaal ŋimombil paani baah pinn pu tii biŋeen aatɔtiib Israel yaab biken na, le ki kani kina aajinjin pu ŋimombil. Bi suln mbɔr.” Bidindaan Uwumbɔr le len kina.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 8:3

Bi mu aa nan tee dii bite aasan. Baalandak nan ye le ke bi kan ŋimombil, kina pu na, bi nan gaal igaŋgaŋlik, kaa nan ji tibɔr mbamɔm.