Ŋiyataŋak 16:9 - Uwumbɔr aagbaŋ

⁹ Unibɔn ga ŋmaa ŋa waalandak usui ni, Uwumbɔr mu le ga tee mɔk u waah ga ŋa pu na.

Ŋiyataŋak 16:9 ပူးပေါင်းရင်းမြစ်များ

2 Bibɔrb Aabɔr 22:7

Uwumbɔr nan di lisachuln limina le daa ker Ahasia lii kitiŋ. Waah nan bi nima chee na, le Nimsi aajapɔɔn Jehu, u Uwumbɔr nan lee ke u kuln Ahab aanaan na dan nan lir u ni Joram pu.

Ilahn 37:23

Uwumbɔr le mɔk unii nsan mu u ga dii na, le ki kii binib bi unimbil gbiin bi na.

Ŋiyataŋak 16:1

Unibɔn aalandak nyani usui ni la, le yaadoon tee bi Uwumbɔr chee.

Ŋiyataŋak 16:8

Aa yaa di ibamɔn kan siib kina kan, ni ŋan jer ke aa di inyamɔn kan liwangol li wiir na.

Ŋiyataŋak 19:21

Binib ga ŋmaa kpokl baah gee pu na mɔmɔk; Uwumbɔr aageehn mu le ga ŋa.

Ŋiyataŋak 20:24

Uwumbɔr le siin ti mɔmɔk aah ga kan pu na; kina pu na, unii ga ŋa kinye ki bee waamɔfal aah ga ti doo pu na?

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Jeremia 10:23

Uwumbɔr, m nyi ke unii ubaa aa ye ubaa aabimbin aaninkpel; ubaa aa kpa waamɔfal aapɔɔn;

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”