Ŋiyataŋak 16:33 - Uwumbɔr aagbaŋ

³³ Unibɔn too inaan ke u di bee Uwumbɔr aageehn, tɔ, Uwumbɔr ubaa le nyi waah ga gar pu na.

Ŋiyataŋak 16:33 ပူးပေါင်းရင်းမြစ်များ

Nehemia 11:1

Binib bi nan ye biyidam na nan kal Jerusalem ponn ni, le binib bi gur na too inaan ke bi lee lidichal libaa ŋidichal kipiik mɔk ponn ni ke bi buen ti li koo Jerusalem aatiŋ ki bi chain na ponn ni, le bi gur na ti li koo ntisakpem ni muwaatiir na ponn ni.

Ŋiyataŋak 16:32

Aa yaa kpa limɔr kan, ni ŋan jer mpɔɔnsakpiin. Aa yaa ŋmaa chur aabaa tibɔr yoonn kan, ni ŋan jer ke aa nyaŋ ntim mu wiir na.

Ŋiyataŋak 18:18

Bipɔɔndam bilee yaa kpak tɔb libɔjil ni kan, too inaan ki cha Uwumbɔr kuln tibɔr ngbaan.

Ŋiyataŋak 29:26

Unii mɔk ban waajojoor chee nterm la, Uwumbɔr mu baanja chee le ibamɔn bi.

Esekiel 21:21

Ubɔr ngbaan ga ti sil isayakr ngbaan. U ga dam tibɔɔr aapiin, ki baa waawaa chee, ki lik baah kɔr kiwakork ki na aapɔɔl, le ki bee waah ga dii nsan mu na.

Liifai Yaab 16:8

U ban ŋitakpal ŋilee nima chee ki daan libaa pu ke, “Uwumbɔr yaan,” ki daan liken pu ke, “Titunwanbir aanyam aaŋoob,” ki too inaan.

Jona 1:7

Biŋɔŋaab ngbaan nan bui tɔb ke, “Cha ti pul kipulk timi aakaal aah mɔk pu na man, ki lik ke ŋma ye unimbɔŋdaan u joo ni timi linimaln limina na.” Bi nan ŋa kina, le ki kan ke Jona le ye unimbɔŋdaan.

Lituln 1:26

Baah mee Uwumbɔr doo na, le bi di ŋitakpabil tii bi, ke bi lik baah ga lee uja u na. Nimina nan mɔk bi ke bi ga lee Matias la. Le bi di u kpee Yesu aakpambalb kipiik ni ubaa na pu.

Josua 18:10

Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.

Josua 18:5

Bi yakr kitiŋ ngbaan ŋeer ŋiker ŋilole aapepel, Juda aanibol ga li bi kitiŋ ngbaan aaŋangii wɔb la, le Josef aanibol ga li bi ŋŋangan wɔb.

Josua 7:14

Nima pu na, tuk bi ke fen kichakpiik ni kan, aa ga joo ni bi nnimbiin ni, ŋinibol ŋinibol, le linibol li yaab m nyan na kan, bi ga nya ni itaŋaal itaŋaal, le ntaŋaal mu m nyan na kan, bi ga nya ni mmaal mmaal, le mmaal mu m nyan na kan, bi ga nya ni upiijoor upiijoor,

Bibɔjirb 20:9

Taah ga ŋa pu na sɔ: ti ga too inaan le ki lee bijab bi ga ti tak Gibea aatiŋ na.

1 Samuel 10:19

Min le ye nimi Aawumbɔr, u nyan ni nimi tibɔr, ni ŋimuk mɔmɔk ponn ni na, le din wee ni yii mi, le ki bui mi ke m tii nimi ubɔr. Ni ŋan, kina pu na, kuun tɔb man, ki kal ŋinibol ŋinibol, ni imaal imaal, Uwumbɔr aanimbiin ni.’”