Ŋiyataŋak 16:22 - Uwumbɔr aagbaŋ

²² Nlan le ye limɔfal aanyunbun ki tii bilandam, le aa yaa pɔɔni aabaa ki mɔk bigbaam kan, ni bii n‑yoonn.

Ŋiyataŋak 16:22 ပူးပေါင်းရင်းမြစ်များ

Ŋiyataŋak 10:11

Unibamɔnn aamɔliin ye limɔfal aanyunbun la, le ubiindaan ma joo kimɔmɔɔn bɔrni waabimbin mu kaa ŋan na.

Ŋiyataŋak 13:14

Bilandam aamɔkm ye limɔfal aanyunbun mu kaa foor na la; buyoonn saamɔfal nan bi linimaln ni na kan, mu ga gaa si lii.

Ŋiyataŋak 14:27

Aa ban ke aa nya nkun ni ii? Li pak Uwumbɔr ki san u ijawaan aan ki kan limɔfal.

Ŋiyataŋak 15:2

Binib bi kpa nlan na yaa len tibɔr kan, bi moo tii nlan kinyaan la, le bigbaam ma aabɔr punni kijɔrk.

Ŋiyataŋak 15:28

Bininyaam dakl lik tibɔr aatataa waahr le ki nin gar. Titunwanbirdam ma gar mala le ki ban tibɔr.

Ŋiyataŋak 16:21

Bi nyi unii u kpa nlan ki muun mu ni na bɔr waaŋuntii pu na. Waamɔliin mɔ, le binib keei tii u.

Ŋiyataŋak 16:23

Binib bi kpa ichiin na dakl lik waahr le ki nin len; le baah len pu na mu moo tii nnyuum.

Ŋiyataŋak 18:4

Unii aamɔbon ga ŋmaa li kpa nlan, ki nyoo ke nnyusakpem aah nyoo pu na, ki bi chain ke nkpen mu puu na.

Ŋiyataŋak 18:7

Ujɔr yaa len tibɔr kan, u bi kulni waamɔfal la; ubaa aamɔliin le chur u.

Ŋiyataŋak 3:22

Ni ga tii si limɔfal li ye mmɔɔn, ni mpopiin aamɔfal na.

Matiu 15:14

Taa gar bi man. Bi ye bisanmɔkb bi jɔb na la. Ujoon yaa mɔk ujoon nsan kan, bi mɔmɔk bilee ga lir libuul ponn ni la.”

Jɔnn 5:24

“M tuk nimi mbamɔn la, unii umɔk ŋun maaliin ki gaa Uwumbɔr u tun ni mi na ki kii na, u kpa limɔfal li kaa kpa ndoon na. Uwumbɔr aan ji u tibɔr. U nyan nkun ni, ki kan limɔfal a.

Jɔnn 6:63

Uwumbɔr Aafuur Nyaan le tii binib limɔfal. Tiwon aa kpa tinyoor tibaa. Tibɔr ti m len ni chee na le tii nimi Nfuur Nyaan ni limɔfal.

Jɔnn 6:68

Le Simonn Piita bui u, “Ndindaan, ti ga buen ŋma chee? Sin le kpa limɔfal li kaa kpa ndoon na aaliin.