Ŋiyataŋak 16:19 - Uwumbɔr aagbaŋ

¹⁹ Ni ŋan ke aa sunn aabaa taab ki li ye ugiin, ki jer ke aa li ŋmal binib bi yoor bibaa paacham na ni, ki yakr bi chee baah sun biken aawan ni na.

Ŋiyataŋak 16:19 ပူးပေါင်းရင်းမြစ်များ

Ilahn 138:6

Aa bi paacham paacham la, le aatafal tee bi binib bi sunn bibaa taab na ni, le binib bi kpa kigaak na aan ŋmaa bɔr si.

Ilahn 34:18

Uwumbɔr bi duun binib bi aataakpab yɔl na la; le ki gaal binib bi kaa ki kpa limakl libaa na lir.

Nnyam 15:9

Timi aadin bui ke, ‘M ga paan bi pu aan ki chuu bi. M ga yakr baawangol le ki nyan maah gee ni na. M ga di maajaak aajuk le ki jenn bi ki gaa baah kpa tiwan ni na mɔmɔk.’

Ŋiyataŋak 1:13

Ti ga kan liwankpal mɔmɔk aabɔŋ, ki gbiin timi aadichal.

Ŋiyataŋak 1:14

Dan nan ti kpee ti pu, aan ti yakr taah ga sun tiwan ni na.”

Ŋiyataŋak 25:7

Bi yaa tii si uninyuun aajal ke aa kal kan, ni ŋan jer ke bi gaa saajal tii uninyuun.

Ŋiyataŋak 29:23

Kigaak le ga joo ni saadoon, le aa yaa sunn aabaa taab kan, aa kani kipak ni lisil.

Ŋiyataŋak 3:34

Waa di binib bi kpa kigaak na yin nibaa, le ki lik faar binib bi sunn bibaa taab na.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 53:12

Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 9:3

Uwumbɔr, aa tii bi mpopiin sakpen a; aa cha bisui piir sakpen a. Bi mɔɔni saah ŋa pu tii bi na pu, ke binib aah chee njikaabim kan, bi mɔɔni pu na, bee bi yaa yakr tiwan ni bi jan kijaak ki gaa ni na kan, baah mɔɔni pu na,

Matiu 5:3

Binib bi nyi ke bi ye bigiim Uwumbɔr wɔb na, waanyoor bi bi pu. Bima le yeh Uwumbɔr aanaan.

Bibɔjirb 5:30

“Bi ban tiwan le ke bi gaa aan ki yakr, ki ban usapɔɔn ubaa, bee bilee, bi tii butɔb aaja mɔmɔk, ki ban tiwanpeenkaan ni kpa kidaak na, bi tii Sisera, le ki ban nleen aanyɔla nyɔla, bi nan tii ubɔrpii.”