Ŋiyataŋak 15:9 - Uwumbɔr aagbaŋ

⁹ Uwumbɔr aa gee titunwanbirdam aabimbin, le ki gee binib bi ŋani tiwan ni ŋan na aabimbin.

Ŋiyataŋak 15:9 ပူးပေါင်းရင်းမြစ်များ

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 11:7

Uwumbɔr ŋani ni ŋan na, le ki gee lituln li ŋan na; le binib bi kpa mbimbinyaan na ga li bi unimbiin ni.

Ilahn 139:24

Lik ke m kpa titunwanbir tibaa aan maa kpa, ki mɔk mi nsan mu nan bi n‑yaayoonn na.

Ilahn 5:5

Aanimbil aa kani bigaadam; saa gee bibiindam.

Ŋiyataŋak 15:10

Aa yaa tun titunwanbir kan, aa ga kan ntafadaan mu bir ki pɔɔ na, sin u kaa gee nsurm na ga kpo la.

Ŋiyataŋak 21:21

Li kpa tiŋann ni tibulchinn, ki li kpa limɔfal li fɔk na; biken ga li pak si ki ŋani si tiŋann.

Ŋiyataŋak 21:4

Bibiindam aagaak ni baanimpoo le joo bi, nima ngbaan mu ye titunwanbir la.

Ŋiyataŋak 21:8

Binib bi aabɔr aa ŋan na chuun nsan mu kaa tok na ni la; le binib bi aabɔr ŋan na ma ŋani ni ŋan na.

Ŋiyataŋak 4:19

Tɔ, bibiindam aasan ma bɔɔn ke kinyeek na la. Bi lir, le ki mu aa waa baah gbeer tiwan ni na.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Aisaya 26:7

Uwumbɔr, saa cha bininyaam aasan ponn ni kpa tibɔbir; baah chuun isan i pu na aa kpa ŋibugen.

Aisaya 51:1

Uwumbɔr bui ke, “Li pel man, nimi bi ban ke ni ŋmar na, nimi bi choo m chee ki ban nterm na, li pel man. Dakl ki lik man litakpal li ponn ni ni nyan ni na, nin chee m nan gbii nyan nimi na.

Aisaya 51:7

Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Habakuk 1:13

Tɔ, ba ŋa saa daa bibiindam ngbaan aatafal? Aanimbil bi chain pam kaan ŋmaa lik titunwanbir, kaan ŋmaa li si lik aan binib ŋani tiwan ni kaa ŋan na. Kina pu na, ba ŋa aa ka ŋmin aan bi bi kuln binib bi aabimbin ŋan jer baabimbin na?

Matiu 7:13

“Ni li dii mbisamɔb mu kaa waa na. Nsan mu cha mmii mu kaan junn na ni na waa la. Nsan ngbaan aabisamɔb mu waa la. Binib bi dii mu na, bi wiir la.

Ikaal 7:13

U ga li gee nimi ki ŋa tinyoor ŋa ni pu, nima kan, ni ga pɔr kpee, ki li kpa mbim pam. U ga ŋa tinyoor ŋa nimi aasar, ni tijikaar, ni ndaan aasubil, ni olif aakpan pu; u ga ŋa tinyoor ŋa ni pu, ki tii nimi tiwakor pam. U ga ŋa ni pu tinyoor tee mɔmɔk aaboln, kitiŋ ki pu u nan puu tii niyaajatiib ke u ga di tii nimi na.

1 Timoti 6:11

Saah ye Uwumbɔr aanii na, yii titunwanbir timina mɔmɔk, ki li dii mbimbinyaan, ki li bi Uwumbɔr aah ban pu na, ki li tun waatuln mbamɔm, ki li kpa ngeehm, ni suklaa, ki li bi suuna.

2 Timoti 2:22

Chuu aabaa ki taa dii tiwan ni kaa ŋan na aakpeek ke binachipɔm aah dii pu na. Tun lituln li ŋan na, ki tii Tidindaan naadii mbamɔm, ki li kpa ngeehm, ni nsuudoon. Kpaan binib bi mu bi kina ki joo bisui mɔmɔk mee Tidindaan na chee.