Ŋiyataŋak 15:8 - Uwumbɔr aagbaŋ

⁸ Uwumbɔr aa gee bibiindam aatork, le usui piin bininyaam aameel pu.

Ŋiyataŋak 15:8 ပူးပေါင်းရင်းမြစ်များ

2 Samuel 15:12

Waah nan ti bi toor kitork na, u nan tun Gilo aatiŋ ni bi ti li joo ni Ahitofel, u nan ye ubɔr David aasusur ubaa na. Absalom aalandak ngbaan nan moo kan mpɔɔn, le waadidiliib mu moo wiir.

1 Bibɔrb 3:10

Uwumbɔr aasui nan piin ke Solomonn mee nimina,

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Ilahn 17:1

Uwumbɔr, li pel maah gaŋni si ki ban ibamɔn pu na; pel maah wii ki ban nterm pu na. Ŋun maameel li bi chob na.

Ŋiyataŋak 10:24

Binib bi aabimbin ŋan na kani baah ban pu na la, le bibiindam kani baah san tiwan ni ijawaan sakpen na.

Ŋiyataŋak 15:29

Uwumbɔr daa bibiindam chee, le ki ŋun binib bi aabimbin ŋan na ma aameel.

Ŋiyataŋak 15:7

Binib bi kpa nlan na le joo nlan tii biken, naa ye bijɔrb.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Ŋiyataŋak 21:3

Ŋa ni ŋan ki tok na. Nima le piir Uwumbɔr aasui ki jer saah kɔr tiwakor ti ke aa toor kitork tii u na.

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Ulandaan 5:1

Li nyi saah chaa Uwumbɔr Aadichal ni pu na. Aa yaa buen nima ke aa ti bae kan, ni ŋan ki jer bijɔrb bi kaa ŋmaa ganni tiwan ni ŋan na, ni ni kaa ŋan na ponn ni aah chaa ke bi ti toor kitork pu na.

Solomonn Aalahn 2:14

Aa naahn linanjel li bɔrni litakpal aaloŋ ni na la. Cha m lik aanimbil wɔb, aanimbil wɔb ŋan sakpen. Cha m pel saaneel pu, saaneel mɔ sakpen.

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Daniel 9:23

Saah piin ki bi gaŋni Uwumbɔr na, le u kii saah ban pu na. U gee si, kina pu le m dan m nan tuk si saah ban pu na. Tɔ, li pel aan m kpiir tidaŋ ngbaan aatataa tuk si.

Liifai Yaab 7:18

Ni yaa ŋman ti wintaa daal ngbaan kan, Uwumbɔr aan ki gaa udaan ngbaan aatork. Le kitork ngbaan aan ki ŋmaa nyan udaan ngbaan waatunwanbir ni, ti bii le na, le umɔk ŋman kitork ngbaan aanann na ga kan ntafadaan.

Maika 6:6

Buyoonn m dan ke m nan doon Uwumbɔr u ye paacham Aadindaan na kan, m ga joo ba nan tii u? M ga joo ni inaabi i ŋan sakpen na le nan see mmii ni tii u uu?

Maika 6:7

M yaa joo ni ipiih ŋichur ŋichur, bee olif aakpan mu kaan doo na kan, ni ga piir Uwumbɔr aasui ii? M ga di maajan aabijabo le toor kitork tii u maatunwanbir pu uu?

Hagai 2:14

Le Hagai bui ke, “Uwumbɔr bui ke litimbol limina aanib bi kina le unimbil ni. Bi kpa tijɔŋ, le baah kon tijikaar ti mɔmɔk na mu kpa tijɔŋ; kina pu na, tiwan ni mɔmɔk bi nan di tii ipiin kitork aabimbiln pu na mu ye tijɔŋ aawan la.”

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Jɔnn 4:24

Uwumbɔr ye kifuurk la. Le binib bimɔk dooni u na li dooni u bisui ni, Waafuur Nyaan aapɔɔn pu.”