Ŋiyataŋak 15:33 - Uwumbɔr aagbaŋ

³³ Aa yaa san Uwumbɔr kan, ni ye inimbiwoln la. Waahr aan aa kan bunyuŋ na, see aa suln aabaa taab.

Ŋiyataŋak 15:33 ပူးပေါင်းရင်းမြစ်များ

Esta 2:15

Esta u ye Abihail aabisal, ki mu ye Modekai aaweesal, u u nan kpiin u ki di kpaln ubisal na aayoonn aah nan fuu ni ke u koo ubɔr chee na, u nan peen tiwan ni Hegai nan sur u ke u peen na la; le umɔk nan kan u na nan neen u.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 34:11

Njɔtiib bi laa ye binachipɔm na, dan man, ki nan ŋun m chee man, aan m mɔk nimi ni nyuŋ Uwumbɔr.

Ŋiyataŋak 1:2

Ŋiyataŋak ŋimina le ga cha aa bee nlan ni nsurm mu ŋan na, ki bee imɔliin i kpa tataa na.

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ŋiyataŋak 15:32

Unii umɔk yii nsurm na, aa gee ubaa. Aa yaa kpa ŋuntii nsurm chee kan, aa ga moo kan nlan.

Ŋiyataŋak 16:1

Unibɔn aalandak nyani usui ni la, le yaadoon tee bi Uwumbɔr chee.

Ŋiyataŋak 18:12

Unii yaa kaa sunn ubaa taab kan, waan ŋmaa kan kipak; binib bi yoor bibaa paacham sakpen na bi nkun aasan ni la.

Ŋiyataŋak 29:23

Kigaak le ga joo ni saadoon, le aa yaa sunn aabaa taab kan, aa kani kipak ni lisil.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Jemisi 4:10

Ni sunn nibaa taab man Tidindaan aanimbiin ni, le u ga nyuŋ nimi.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”