Ŋiyataŋak 15:30 - Uwumbɔr aagbaŋ

³⁰ Binib bi laa limɔmumukl na tii mpopiin la, le tibɔnyaan mu pɔɔk itaakpab.

Ŋiyataŋak 15:30 ပူးပေါင်းရင်းမြစ်များ

Esra 9:8

Tidindaan Uwumbɔr, le aa san timi kinimbaak, ki cha ti ponn ni siib nyan tinaagbiir ngbaan ponn ni, ki ti koo nsuudoon ni, kitiŋ ki bi chain na ponn ni. Aa nyan timi tinaagbiir ngbaan ni, le ki tii timi limɔfapɔln.

Ilahn 89:15

Binib bi joo ilahn dooni si, aan ki bi saaŋann aawiin ni na kpa mpopiin.

Ŋiyataŋak 12:25

Ilandak yaa muk si kan, saan li kpa mpopiin, le ilinsoon ga ŋmaa tii si mpopiin.

Ŋiyataŋak 13:9

Binib bi aabimbin ŋan na bi ke nwiihn mu wiin chain na la; le bibiindam ma naahn karyaa u ban u junn na.

Ŋiyataŋak 15:29

Uwumbɔr daa bibiindam chee, le ki ŋun binib bi aabimbin ŋan na ma aameel.

Ŋiyataŋak 15:31

Unii umɔk kpa ŋuntii nsurm chee na kpa nlan le na.

Ŋiyataŋak 17:22

Mpopiin tii si laafee la. Aa yaa kpa mpombiin n‑yoonn mɔmɔk kan, ni ye nkun mu kaan ku si mala na la.

Ŋiyataŋak 25:25

Aa yaa ŋun tibɔnyaan ti nyan ni dandar na kan, ni naahn ke saah kan nnyunsoom n‑yoonn mu nnyunyuu joo si na la.

Ŋiyataŋak 3:8

Aa yaa ŋani kina kan, ni ga li bi ke nnyɔk mu ŋan, ki ga nyaŋ saabunbunn, ki sɔŋ saaween mɔmɔk na la.

Ulandaan 11:7

Ni ŋan ke aa li fu ki kani nwiin aawiihn.

Aisaya 58:11

Le m ga li kii nimi n‑yoonn mɔmɔk ki tii nimi tiwan ni ŋan na. M ga cha ni li kpa laafee ki pɔɔ. Ni ga li bi ke tikpin aasaak ki kaa lann nnyun na la, ki naahn uyayak aanyunbun mu kaa foor na.

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.