Ŋiyataŋak 15:27 - Uwumbɔr aagbaŋ

²⁷ Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Ŋiyataŋak 15:27 ပူးပေါင်းရင်းမြစ်များ

1 Bibɔrb 2:40

le u buu waabon, ki buen Gaf aabɔr Akis chee, ke u ti ban waanaagbiib. U nan ti kan bi, le ki di bi giin kun ni.

2 Bibɔrb 5:27

Tɔ, Naamann aaween ngbaan ga gir ni aa pu, le aa ni aayaabitiib ga li kpa i ki ti saa n‑yoonn mu kaa kpa ndoon na.” Gehasi aah siir na, le iween ngbaan pii u, uwon nan piir chak chak.

Ilahn 15:5

U pinni binib ilik kaa ban ipaar, kaa gaa igaŋgaŋlik ke u mɔnn inyamɔn paan unii u kaa kpa taani ubaa na pu. Unii umɔk ŋani tiwan nee mɔmɔk na kpa ukikiir.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 23:8

Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Ŋiyataŋak 1:19

Unii umɔk su nnaayupɔɔn na aamɔfal door la. Unii umɔk aabimbin bir na aadoon le ye nkun.

Ŋiyataŋak 11:19

Unii umɔk aanimbil man ke u ŋa tiwan ni ŋan na ga li kpa limɔfal, tɔ, unii umɔk aanimbil man ke u tun titunwanbir na ga kpo.

Ŋiyataŋak 11:29

Unii u ban tibɔr tii waadichal na ga nan lann tiwan mɔmɔk. Bijɔrb le ga li ye bilandam aanaagbiib n‑yoonn mɔmɔk.

Ŋiyataŋak 15:26

Uwumbɔr aa gee ilandak i kaa ŋan na, le ki neen kijɔtiik aamɔbon ma.

Ŋiyataŋak 20:21

Liwangol li saa nyan kitotoŋ ki kan li na aan ŋa si tinyoor tibaa.

Ŋiyataŋak 23:4

Li kpa nlan ki taa ku aabaa ke aa ŋa uwankpadaan.

Ŋiyataŋak 28:16

Unii u bi mpɔɔn ni, kaa kpa nlan na ga li ye ubiindaan la. Le unii u kaa gee igaŋgaŋlik na ga yunn nnaan ni.

Ŋiyataŋak 28:25

Kukumɔŋ joo ni tibɔr baanja la. Aa yaa tii Uwumbɔr naadii kan, ni soor.

Ŋiyataŋak 29:4

Ubɔrkpaan u aatafal bi ibamɔn ni na aatiŋ kpa mpɔɔn, le ubɔr u aatafal bi ŋimombil ni na aatiŋ ga kuln.

Jeremia 17:11

Unii u joo beebee kani ŋimombil na bi ke unyoon u kaal ŋijen ŋi waa too ŋi na la. U ga laa li ye unachipɔɔn le ki lann waawangol, le waadoon na, u ga kpaln ujɔr.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

Ikaal 7:26

Ni taa joo ni ŋiwaa ngbaan ŋibaa nido, ni yaa ŋa kina kan, Uwumbɔr aah ga kuln ŋi pu na, u ga kuln ni mu kina la. Uwumbɔr aah ga kuln ŋiwaa ngbaan pu na, ni mu li nan ŋi, ki yii ŋi.

1 Timoti 6:10

Binib yaa gee ŋimombil sakpen kan, nima le cha bi tun titunwanbir mɔk aabɔŋ. Binib bibaa aanimbil aah man ŋimombil pu pu na le cha bi yenn, kaa ki dii Yesu aasan, ki kan mpombiin ki ti chaar jer.

1 Timoti 6:9

Binib bi aanimbil man liwankpal pu na ga kan ntɔŋ, ki lir. Binimbil ga li man kijɔrk aawan sakpenn le pu. Ni ye fam la, ki ga bii bi. Tiwan ngbaan aaboln le cha binib bee fam ki kan ntafadaan mu kaa kpa ndoon na.

Josua 6:18

Ni taa yoor tiwan ni Uwumbɔr tuk timi ke ti bii na nibaa. Ni yaa yoor nibaa kan, ni ga joo ni tibɔbir Israel yaab pu.

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”