Ŋiyataŋak 15:26 - Uwumbɔr aagbaŋ

²⁶ Uwumbɔr aa gee ilandak i kaa ŋan na, le ki neen kijɔtiik aamɔbon ma.

Ŋiyataŋak 15:26 ပူးပေါင်းရင်းမြစ်များ

Ilahn 19:14

Uwumbɔr u gaal mi lir ki tii mi lifuur na, cha maamɔbon ni maalandak li ŋan aa chee.

Ilahn 45:1

Ŋimɔbonyaan le gbii nsui ni, le m naan nlahn mue m tii ubɔr. Nlambil gor ke li di nlahn lii ke ugbaŋmeer nyaan aagbaŋmeemoon aah ga ŋmee pu na.

Ŋiyataŋak 11:20

Uwumbɔr aa gee binib bi kpa tilandakwanbir na, le ki tee gee binib bi ŋani ni ŋan na.

Ŋiyataŋak 15:23

Aa yaa kan tibɔnyaan taayoonn kan, ni tii mmɔɔn la.

Ŋiyataŋak 15:25

Uwumbɔr ga kuln binib bi yoor bibaa paacham sakpen na aadichal, le ki tee ga li kii ukpopii aawangol ma.

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Ŋiyataŋak 16:24

Imɔliinyaan naahn tisiir la, i mɔ ki tii si laafee.

Ŋiyataŋak 24:9

Ujɔr aalandak mɔk ye kinimbɔŋ la. Binib aa gee unii u lik seeni uŋeen aatɔtiib na la.

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Matiu 15:19

Tiwan ni nyan binib aasui ni na le ye ilandak i kaa ŋan na, ni linikul, ni kidagook aatuln, ni kinaayuk, ni linyamɔngee, ni ŋisiibil.